Тамыз айында орташа ауа температурасы солтүстік-батыс жартысында климаттық норманың жанында, ал оңтүстік-шығыс жартысында нормадан 1°С жоғары болады деп болжануда.

Жауын-шашын мөлшері республиканың басым бөлігінде нормаға жуық, орталық, оңтүстік, оңтүстік – шығыс және шығыстың кей жерлерде нормадан аз болады деп болжануда.

Бірінші онкүндіктің ішінде белсенді циклонның ықпалымен республиканың басым бөлігінде күн күркіреп, кей жерлерде нөсер жауады, сондай-ақ желдің күшейеді. Тек республиканың оңтүстігінде ғана күн ашық болады.

Бірінші онкүндіктің ішінде ауа температурасы жоғары болады:

батыста, солтүстік-батыста 15…25°С жылы;

солтүстікте 17…25°С жылы;

орталықта 25…33°С жылы;

шығыста 30 … 38°С жылы;

оңтүстікте, оңтүстік-шығыста 30…38°С ыстық.

Ал, бірінші онкүндіктің ортасында жылы ауа массасының әсерінен аспан ашылып, ауа температурасы жоғарылайды.

батыста, солтүстік-батыста 23…31°С ыстық болады;

солтүстікте 25…33°С ыстық болады;

орталық пен шығыста 33…39°С ыстық болса, кей жерлерде 41°С-ге дейін ыстықты көрсетеді;

оңтүстік және оңтүстік-шығыста 33…39°С, кей жерлерде 43°С дейін ыстық болады деп болжануда.