КіруӘСКЕРИ БӨЛІМДЕ ӨРТ-ТАКТИКАЛЫҚ ОҚУ-ЖАТТЫҒУ ӨТТІ
№2029 Әскери бөлімінде кезекті жоспарлы өрт-тактикалық оқу-жаттығуы өткізілді. Батыс Қазақстан облысы Төтенше жағдайлар департаментінің Өрт сөндіру және авариялық-құтқару жұмыстары қызметінің мемлекеттік тіл және ақпарат тобының маманы А.Мұқанованың айтуынша, оқу-жаттығудың мақсаты – адамдар көп жиналатын нысандағы өртті сөндіру бойынша іс-қимылдарды пысықтау, өртке қарсы қызмет бөлімшелерінің нысан әкімшілігі мен қаланың тыныс-тіршілігін қамтамасыз ету қызметтерімен өзара іс-қимыл жасау, эвакуациялау жоспарына сәйкес адамдарды ғимараттан шығаруды ұйымдастыру мақсатын көздейді.
Оқу-жаттығудың дайындығы бойынша Әскери бөлімінің екінші қабатында қысқа тұйықталу нәтижесінде жалпы ауданы 50 шаршы метрді құрайтын заңгердің бөлмесінде өрт шықты. Алғашқы өрт сөндіру бөлімшелері келгенге дейін 40-қа жуық адам шығарылды. Бірнеше минуттан кейін шартты өрт орнына шығу ауданы нысаны орналасқан бірінші бөлімше келіп, зардап шеккендерді құтқаруға кірісті.№5 және 6 өрт сөндіру бөлімі қызметкерлері 8 зардап шегушіні өрттен шығарды.
Өрт-тактикалық оқу-жаттығуға 6 негізгі, 2 арнайы техника бірлігі, 1 жол полиция экипажы, 1 аппатар медицина орталығы және 2 жедел медициналық көмек бригадасы жұмылдырылды.
Оқу-жаттығу барысында нысан күзеті мен өрт сөндіру қызметінің өрт сөндіру бөлімшелерінің өзара іс-қимылы пысықталды. Оқу-жаттығу көзделген міндеттеріне және мақсатына жетті.
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу