КіруАДАМ САУДАСЫНА ҚАТЫСТЫ ТӨРТ ФАКТІ ТІРКЕЛДІ
Біріккен Ұлттар Ұйымының шешіміне сәйкес 30 шілде – дүниежүзілік адам саудасына қарсы күрес күні саналады. Осыған сәйкес БҚО Полиция департаменті Криминалдық полиция басқармасының қызметкерлері «Адам саудасына қарсы бірге күресейік!» атты іс-шара өткізді.
Шараның мақсаты – жастар арасында түсіндіру жұмыстарын жүргізіп, мәдени ағарту және іс-шараны ақпараттық-насихаттау болып табылады. Аталмыш іс-шара демалыс уақытында жүрген оқушы балалар үшін «Еуразия» сауықтыру кешенінде, «Самал» жасөспірім лагерінде және жетім балалар тәрбиеленетін балалар ауылында ұйымдастырылды. Шараға БҚО Білім басқармасының бас маманы А.Залмұқанова және адамдардың құқығын қорғау және заңдылықты сақтау жөніндегі Қазақстан халықаралық бюросы БҚО филиалының директоры П.Кочетков қатысып, тақырып аясында балаларға түсіндіру жұмыстарын жүргізді. Кейін оқушыларға тағдыр тәлкегіне түсіп, адамның арбауында қалған қыздың өмірі жөнінде бейнеролик көрсетілді. Шара соңында адам саудасының алдын алу мақсатындағы үлестірмелі парақшалар таратылды.
Ағымдағы жылдың басынан адам саудасына қатысты төрт факті тіркелді. Оның ішінде біреу жасөспірімдерді жезөкшелікке тарту, бір факті жезөкшелік қызметке тарту болса, және жеңгетайлықпен айналысуға қатысты үш факті тіркелді. Сондай-ақ, ҚР ӘҚБтК-нің 449-бабы 1-бөлімі (жыныстық сипаттағы қызмет ұсыну мақсатында қоғамдық орындарда тиісу) бойынша 17 әкімшілік құқықбұзушылық анықталды.
Қазақстан Республикасы ІІМ нұсқауына сәйкес БҚО аумағында тоқсан сайын «STOP трафик» жедел-алдын алу іс-шарасы ұйымдастырылады.
БҚО ПД баспасөз қызметі
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу