Мектепке жол – 2019. ЖҮРЕКТЕН – ЖҮРЕККЕ

Мемлекет басшысының мектеп оқушыларының сабаққа қатысуын толық қамтамасыз ету туралы тапсырмасын орындау мақсатында республика бойынша 11 жыл қатарынан 1 тамыз – 30 қыркүйек аралығында «Мектепке жол» акциясы өткізіледі.

Биылғы жылы Қазақстан Республикасының Президенті Қ. Тоқаевтың тапсырмасын орындау бойынша көмекке мұқтаж балаларды барынша оқумен қамту мақсатында «Мектепке жол» қайырымдылық акциясы дәстүрлі басталуынан бір ай бұрын, шілде айынан басталып, 30 қыркүйекте аяқталады.

Ақцияның негізгі мақсаты – аз қамтылған, көп балалы және тұрмысы төмен отбасылардың балаларына, жетім балаларға, ата-анасының қамқорлығынсыз қалған балаларға жаңа оқу жылына дайындық кезеңінде және әлеуметтік себептер бойынша балалардың мектепке бармауының алдын алу бойынша әлеуметтік қолдау көрсетуге.

Акцияның он бір жыл ішінде 178 359 бала 935 млн. 260 мың теңгеге материалдық көмек алса, 2018 жылы ірі компаниялар мен акционерлік қоғамдардың, бизнес- қоғамдастықтардың, мемлекеттік органдардың, кәсіпкерлердің, демеушілер мен меценаттардың көмегінің арқасында аз қамтылған, көп балалы отбасылардан 11 127 бала жалпы сомасы 62 млн. 288 мың теңгеге материалдық және қаржылық көмек алды.

Биылғы жылы дәстүрлі акция (12-ші) «Мектепке жол» акциясы «Жүректен – жүрекке!» ұранымен өткізіледі.

«Мектепке жол» республикалық акцияны ұйымдастыруда және өткізуде бас әріптестік «Атамекен» ұлттық кәсіпкерлер палатасы мен оның аумақтық бөлімшелері және «Менің атамекенім» қоғамдық бірлестігі болып табылады.

Білім басқармасы облысымыздың барлық азаматтарын балаларды мектепке дайындауға көмек қолын созып, аталған іс-шараға бір кісідей ат салысуға шақырады!

Акцияға ӨЗ ҮЛЕСІҢІЗДІ ҚОСУ АРҚЫЛЫ БҮЛДІРШІНДЕРДІҢ ЖҮЗІНЕ қуаныш СЫЙЛАҢЫЗ!

БАЙЛАНЫС ТЕЛЕФОН: 8(7112) 242623

Версия для печати