КіруОРАЛДЫҚТАР БЕЙНЕБАҚЫЛАУ КАМЕРАЛАРЫНЫҢ ЖҰМЫС ЖАСАМАЙТЫНЫН АЙТЫП ШАҒЫМДАНДЫ
19-20 шілде күндері Батыс Қазақстан облысының барлық өңірлерінде «Жолда қабылдау» мобильді акциясы өткізілді. Қала орталығында және барлық аудандарда әкімшілік полиция, жергілікті полиция және көші-қон қызметтерінің басшылары азаматтарды қабылдады. Арнайы жабдықталған автобустарда тұрғындар полиция қызметкерлерінің заңсыз іс-әрекеттеріне шағымдана алды және полиция тарапынан көрсетілетін мемлекетік қызметтер туралы ақпарат алып, ішкі істер огандарының цифрлық мүмкіндіктерін пайдалана алды.
Қаладағы «Жеңіс» шағын ауданы №21 үй жанындағы арбат тұсында ұйымдастырылған шарада Орал қаласы полиция басқармасы Д.Қонаев атындағы №6 шағын аудан тұрғындарын мазалаған жеке сұрақтарымен қабылдады. Шағын аудан тұрғындары «Қауіпсіз аула» бағдарламасы негізінде орнатылған бейнебақылау камераларының тозғаны, жөнді қызмет көрсетпейтіні, істен шыққаны, күл-қоқысты көшеге лақтыратын адамдарға тиісінше шара қолдануды. Сондай-ақ 4 шағын аудандағы №20 үй маңайына арақ ішкен, төбелесқұмар жастардың жиналуына жол бермеу, т.б мазмұндағы сауалдарын тастады. 6 шағын ауданы №19 үйге мектеп жақын орналасқан, ал осы тұстағы бейнебақылау камерасының жұмыс жасамауы тұрғындардың көпшілігін толғандырады екен.
Ресейлік нөмір тағып, қала ішінде көлік айдап жүрген жүргізушілерге қатысты сауалдар да тұрғындар тарапынан қалыс қалмады. Орал қ.ПБ әкімшілік полиция бөлімінің бастығы полиция майоры Алтай Құсайынов осы мәселемен келген бес азаматтың сұрағын тіркеп алды және арнайы базадан тексеріп, нақты жауабын 3 жұмыс күні ішінде жолдайтынын жеткізді. 6 шағын аудан №70 үй тұрғындары үй ауласында түннің біраз уақытына дейін шулап, тыныштықты бұзатын жастарға және №12 үй подьезіне көліктерін қасақана тіреп, иін тірестіре тақап қоятын жүргізушілерге шара қолдануды сұрады. Айтуларынша, ауладағы көліктердің көптігінен не жедел жәрдем, не полиция көлігі жақындай алмайды екен.
Көп қабатты жәйлі пәтерлі үй аулаларында азаматтармен еркін сөйлесіп, ой-пікірлерін тыңдау мүмкіндігі «Жаңа орда» шағын ауданы №5 үй қасындағы «Адал» дүкені аумағында да өтті. Осы ауданның №7 үй тұрғындары үй аулалары арасымен көліктердің аса үлкен жылдамдықпен қозғалатындарын, қауіпті бұрылыс жасайтындарын баяндап, полиция қызметкерлерінің жасанды жол өтпесін қондыруға ықпал етулерін өтінді.
Сонымен қатар тұрғындарды қабылдау шаралары №5 және №9 мектеп ауласында ұйымдастырылып, Әбілқайырхан даңғылы бойындағы «Аяжан» сауда үйі төңірегінде жалғасын тапты.
Гүламан ИСМАҒҰЛОВА,
Орал қ.ПБ баспасөз қызметкері
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу