КіруҚАЗИИТУ ТҮЛЕКТЕРГЕ ДИПЛОМ ТАБЫС ЕТТІ (фото)
Шілденің 10-ы күні ҚазИИТУ ғылыми-білім кешенінен 2871 түлек бакалавр дәрежесімен өмірге қанат қақты. Білім ордасының Студенттер аллеясында өткен салтанатты шарада «ҚазИИТУ» кешенінің құрылтайшысы, техника ғылымдарының кандидаты, профессор, ҚР ҰИА облысымыздағы филиалының төрағасы, академик, «Қазақстандағы 100 жаңа есім» жобасының жеңімпазы Ақсерік Әйтімов, қала әкімінің орынбасары Бақытжан Нарымбетов және оқу орнының серіктестері түлектерді диплом алып, маман иесі атануларымен құттықтады.
Биыл оқу орнын 19 мамандық бойынша 2871 түлек бітірді. Олардың 21-і үздік дипломмен аяқтап отыр. «ҚазИИТУ» ғылыми-білім кешенінің құрылтайшысы Ақсерік Әйтімов жаңа заман талабына сай білім алып, қанаттарын қомдаған түлектеріне ақ жол тіледі.
– 20 жылдан астам уақыт ішінде мыңдаған түлек осы оқу ордасынан ұшып шықты. Қазіргі облыстық мәслихаттың хатшысы Мәлік Иманқұлұлы, қалалық мәслихат хатшысы Аққали Үмбетқалиұлы, облыстық білім саласында еңбек еткен, қазір тіл басқармасында басшылық етіп отырған Айгүл Әділгерейқызы, сондай-ақ үлгілі аудан әкімдерінің бірі Абат Абайұлы – біздің бетке ұстар түлектеріміз. Одан бөлек, Нұр-Сұлтан мен Алматыда, еліміздің әр түкпірінде, көршілес Ресейде қызмет жасап жүрген түлектеріміз жетерлік. Бүгінгі күні кешенде 14 мыңға жуық студент білім алуда. Бұл арада біз Алматыдағы әл-Фараби атындағы Қазақ ұлттық университетінен кейінгі екінші орындамыз. Сондықтан біздің ҚазИИТУ-ды таңдап, бізге сенім білдірген студенттерімізге рахмет айтамыз, – деді Ақсерік Сарыұлы.
Шараның құрметті мейманы қала әкімінің орынбасары Бақытжан Нарымбетов те түлектерге ізгі лебізін білдірді.
– Тұңғыш Президентіміз Нұрсұлтан Әбішұлы әрқашан жастарға қолдау көрсетіп, жас мамандардың жұмысқа орналасуына көңіл бөледі. ҚазИИТУ – еліміздің техникалық білім саласының бір флагманы. Әрі еңбек нарығында бәсекеге қабілетті, кең бейінді мамандар даярлап отырған өңіріміздегі іргелі оқу орындарының бірі. Бұл оқу орнынан шыққан мамандар қоғамның сұранысында өте көп. Сондықтан ұстаздарыңыздан алған білімдеріңізді үлкен өмірдегі тәжірибеде сәтті қолданасыздар деп сенемін, – деді Бақытжан Хаберұлы.
Салтанатты шараға қатысқан Альметьев мемлекеттік университетінің бірінші проректоры түлектерді диплом алуларымен құттықтап, Альметьевте магистратура бойынша білімдерін тереңдетуге шақырды. Сонымен қатар оқу орнының серіктестері – құрылыс, құқық қорғау саласы мамандары, «Азаматтарға арналған үкімет» мемлекеттік корпорциясының өңірлік филиалы, «IT GROUP Kazakhstan» ЖШС, «Advance» оқу орталығының өкілдері түлектерге құттықтау лебіздерін білдірді.
Толығырақ «Жайық үні-Жинзн города» газетінің 2019 жылғы 12 шілде күнгі №27 санында.
Эльмира НҰҒМАНОВА
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу