Кіру«JASTAR» футбол лигасы басталды
Екінші жыл қатарынан БҚО жастар саясаты мәселелері басқармасының қолдауымен облысымызда «JASTAR» футбол лигасы ұйымдастырылуда. Биыл лигаға 20 команда қатысуда.
– Басты мақсат, әрине жастар арасында салауатты өмір салтын насихаттау. Және облысымызда күнделікті футболмен айналысатын жастардың санын арттыру. Қатысушы командалар арасында ауыл жастары, есту-сөйлеу қабілеті нашар мүгедектер, әлем чемпиондары да бар. Алғашқы ойындар 18 мамыр күні бастау алды. Лиганың ойындарына БҚО футзал ассоциациямен бекітілген тәжірибелі төрешілер қызмет атқаруда, – дейді «Jastar» футбол лигасының бас ұйымдастырушысы Жандос Сұңғатов.
Барлық ойындар спорт басқармасының қолдауымен әр апта сенбі, жексенбі күндері «Жастар» стадионында өткізілуде. Қазіргі таңда, лиганың топтық кезеңдері аяқталып, 20 команданың 8-і плей-офф кезеңіне жолдама алды.
Лиганың ойындарына 2 апта үзіліс салып, сол аралықта еліміздің астанасы Нұр-Сұлтан қаласы күніне орай «Jastar» футбол лигасының кубоктік ойындары өтетін болады. «JASTAR» футбол лигасының кубок жеңімпазы 6 шілде күні анықталмақ. Әзірге кубоктік ойындарға 11 команда тіркелген. Бас жүлде 100 000 теңге. Осы кубоктік ойындар аяқталған соң, лиганың плей-офф кезеңі жалғасатын болады. Қалған 8 команда өзара үздіктерді анықтайтын болады. «JASTAR» футбол лигасының жалпы жүлде қоры 300 000теңге.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу