КіруБҚО-ДА БИЛЕР ОДАҒЫ ҚҰРЫЛДЫ
Бүгін Батыс Қазақстан облыстық сотының ұйымдастыруымен «Татуласу: сотқа дейін, сотта» пилоттық жобасы шеңберінде Билер Одағын құру туралы бастамашы топтың құрылтай жиыны өтті.
Бүгінде әр ауданда билер кеңесі құрылып, жұмыс жасауда. Әйткенмен, олардың жұмысын бір орталыққа біріктіріп, тиісті деңгейде үйлестіру маңызды. Басқосуды ашқан облыстық сот төрағасы Бек Әметов Билер Одағын құрудың қажеттілігін атап өтті.
– Әр аудандағы немесе қаладағы адвокаттың азаматтарға құқықтық көмек көрсетуге мүмкіншілігі бар. Жұмысты жүйелендіру үшін адвокаттар өз құрылтайында республикалық, облыстық, аудандық деңгейде «Адвокаттар алқасын» құрды. Кез келген мемлекеттік ұйымдар адвокаттармен жұмыс жасауда осы «Адвокаттар алқасы» орталығы арқылы байланыс жасайды. Дәл сол сияқты нотариустар «Нотариаттар алқасын» құрып, өз Жарғыларына сәйкес жұмыс жасауда. Соңғы жылдары орындаушылық заңына сәйкес жеке сот орындаушылары да бас қосып, «Жеке сот орындаушылары палатасы» қоғамдық ұйымын құрды. 2011 жылы «Медиация туралы» заң қабылданып, медиаторлар іске кірісті. Әр ауданда қоғамдық медиаторлар және Әділет органдарына тіркелген заңды медиаторлар бар. Осыдан бірнеше жыл бұрын облыстағы медиаторлардың басын қосатын «БҚО-ның медиаторлар одағы» құрылып, басқару органдары сайланды. Қазіргі уақытта олар сәтті жұмыс жасауда. Ғаламторда ресурстарын ашып, мобилді қосымшаларын да жасақтады. Билердің де жұмысын осы бағытта жүйелендіру маңызды. Облысымызда жұмысын жақсы бастап келе жатқан институт ретінде Билер кеңесінің жұмысына серпін беру – біздің мақсатымыз, – деді Бек Әметұлы.
Құрылтай жиынында жаңа «БҚО Билер одағы» қоғамдық бірлестігін құру туралы шешім қабылданып, төрағалығына еңбек ардагері Асқар Атаев, хатшылығына еңбек ардагері Қалиолла Мұқанов сайланды. Жиын барысында одақтың жұмыс Жарғысы қабылданды. «Билер одағы» әр аудандағы биер кеңесіне бағыт-бағдар беруде, кеңестердің өзекті мәселелерін шешуде жұмыстанбақ. Одаққа аузы дуалы, елге сыйлы еңбек ардагерлері, доғарыстағы судьялар, ардагерлерден 13 адам мүшелікке алынды.
– «Елде дау көбейсе, сыртта жау көбейеді» деген бар. Билер Одағы елдегі дау-дамайларды, шешу, жанжалдасқандарды татуластыру бағытында жұмыс жасайтын болады. Қолымызда сот жүйесіндегідей кесім айтып, шешім шығаратындай құзыреттілік жоқ. Дегенмен, бұрынғы заманда Төле, Қазбек, Әйтекедей билеріміздің бір ауыз сөзімен жанжал тоқтап, екі ел бір-бірімен татуласқаны белгілі. Біздер де осы бағытпен, бірлік бар жерде тірлік болатынын халыққа түсіндіруді мақсат етеміз, – деді Қалиолла Мұқанов.
Эльмира НҰҒМАНОВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу