КіруОРАЛДАҒЫ «АШЫҚ ӘКІМДІКТЕ» 137 ТҰРҒЫННЫҢ МӘСЕЛЕСІ ТЫҢДАЛДЫ
Бүгін Орал қаласында «Ашық әкімдік» шарасы өтіп, шаһар басшысы Мұрат Мұқаев, қала әкімінің орынбасарлары мен қалалық бөлімдердің және коммуналдық мекемелердің басшылары және құқық қорғау саласы өкілдері тұрғындардың шағымдары мен өтініштерін тыңдады.
Бүгінде халық пен мемлекеттік органдардың байланысын жақындата түскен ашық алаң ай сайын ұйымдастырылуда. Бүгінгі ашық алаңға 137 азамат келді. 71-i өздерін толғандырған мәселелерімен қала әкіміне жолықты. Азаматтардың сұрақтарының дені әлеуметтік көмек, тұрғын үй-коммуналдық шаруашылығы мен баспана, жер телімін алуға қатысты болды. Қазіргі уақытта қала бойынша жер телімін алу үшін 72 мыңдай азамат кезекте, ал үй кезегіне тұрғандар саны 19 500-ге жеткен.
Мұрат Рахметұлы азаматтардың мәселелерін жіті тыңдап, тиісті сала басшыларына тапсырмалар жүктеп, сондай-ақ кейбір мәселелерді бірлесе шешу жөнінде ұсыныс-кеңесін берді.
Бұл күні «Тұрғын үй жинақ банкі» АҚ кеңесшілері де шараға қатысып, тұрғындарға баспанаға қол жеткізу бағдарламаларының шарттарын түсіндірді.
Эльмира НҰҒМАНОВА
Версия для печатиСоңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу