Кіру13 ЖАСАР ОМАР «ҰМРА» ҚАЖЫЛЫҒЫНА ЖОЛДАМА АЛДЫ
Бүгін Оралда Тәжиден Батырұлы мешітінің ұйытқы болуымен «Рамазан – Құран түскен ай» облыстық құранды жатқа және мәнерлеп оқу жарысы өтті.
«Шараның негізгі мақсаты – Ислам дінінің негізгі құндылығын түсіндіру, шәкірттерді және мешітіміздің жамағатын Құранды дұрыс оқуға шақыру, білім ізденуге ынталандыру, Пайғамбарымыздың (с.а.у.) өмірі арқылы мейірімділікке, сыйластыққа, мұсылмандыққа тән қасиеттерді қалыптастыру» – дейді ұйымдастырушылар.
30-дан астам өтініштер қабылданған бұл жарыс қаламызда жыл сайын өткізіледі. Биыл жарысқа жасөспірімдер қатысты.
Құран Кәрімді жүрегіне қондырып, оның асыл сөздерін оқып, жаттаған үміткерлерге ҚМБД-ның БҚО бойынша өкіл имамы Еркебұлан Қарақұлов, Қырғыз елінен келген қари Алижон Сатторов, Орал қалалық Тәжиден Батырұлы мешітінің наиб имамы Ерлан Кенжин қазылық етті.
Қазылармен ақылдасу арқылы бұл жарысқа арнайы талаптар қойылды. Қатысушылар Құран Кәрімнің 30 парасынан қазылар ұсынған сүрені жатқа айтып, бақтарын сынады.
Қорытындылай келгенде Бас жүлде – Ұмра қажылығы Оралдық 13 жасар Омар Мұханғалиевке бұйырды. Ал бірінші және екінші орын алған оралдық Жәрдем Абдурахман (100 000 теңге) және Саид Қайратұлы (70 000 теңге), үшінші орын алған сырымдық Рафхат Қайыржан (50 000 теңге) марапатталды. Сонымен қатар 10 қатысушыға ақшалай ынталандыру сыйлықтары берілді.
Орал қаласы Тәжиден Батырұлы мешітінің баспасөз қызметі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу