КіруПОЛИЦИЯ БӨЛІНІСТЕРІ БАСШЫЛАРЫ АЗАМАТТАРДЫ ЖОЛДА ҚАБЫЛДАЙДЫ
Қазақстан Республикасының Ішкі істер министрі Е.Тұрғымбаевтың тапсырмасы бойынша халықпен кері байланысты орнату және полиция бөліністері басшыларының тұрғындармен жеке кездесуін қамтамасыз ету мақсатында ағымдағы жылғы 17-18 мамыр күндері Батыс Қазақстан облысының барлық өңірлерінде «Жолда қабылдау» мобильді акциясы өткізіледі.
Қала орталығында және барлық аудандарда әкімшілік полиция, жергілікті полиция және көші-қон қызметтерінің басшылары азаматтарды қабылдайды.
Барлық аудандарда арнайы жабдықталған автобустар болады. Осы мобильдік қабылдау кезінде тұрғындар полиция қызметкерлерінің заңсыз іс-әрекеттеріне шағымдана алады және полиция тарапынан көрсетілетін мемлекеттік қызметтер туралы ақпарат алып, ішкі істер органдарының цифрлық мүмкіндіктерін пайдалана алады.
Тұрғындарға қолайлы болу үшін бұл арнайы автобустарда тіркеу-емтихан қабылдау, жол-техникалық бақылау және әкімшілік практика бөліністерінің басшылары да азаматтарды қабылдайды.
Акция 17-18 мамыр күндері Орал қаласы бойынша Жәңгір хан көшесі, 160 мекенжайы бойындағы Мамандандырылған Авто халыққа қызмет көрсету орталығы алдында және Чаган-Набережный көшесі, 84 мекенжайындағы Халыққа кызмет көрсету орталығы алдында өткізіліп, сағат 10.00-ден сағат 19.00-ге дейін жұмыс жасайтын болады.
Осы күндері БҚО ПД-ның 98-40-18, +7 747-292-95-30 «қауырт желі» байланысы жұмыс жасайды.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу