Кіру«МЕРЕЙЛІ ОТБАСЫ-2019»: ЕРОЛЕЕВТЕР ҰЛТТЫҚ БАЙҚАУДЫҢ ОБЛЫСТЫҚ КЕЗЕҢІНЕ ЖОЛДАМА АЛДЫ
Орал қаласында «Мерейлі отбасы – 2019» ұлттық байқауының қалалық кезеңі өтіп, облыстық кезеңге қатысушы отбасы анықталды.
2013 жылы Елбасының жарлығымен отбасылық өнегелі құндылықтарды жаңғыртуға және отбасы мен некенің жағымды үлгісін таратуға, отбасы мәртебесін арттыруға бағытталған «Мерейлі отбасы» ұлтық байқауы жарияланған болатын. Биыл дәстүрлі түрде алтыншы мәрте өткізіліп отырған шара Ұлт көшбасшысы Н.Назарбаевтың «Болашаққа бағдар: рухани жаңғыру» бағдарламалық мақаласында көрсетілген міндеттерді іске асырудағы отбасы рөлін айшықтауға бағытталуда. Ұлттық байқаудың қалалық кезеңіне шаһарымыздағы 14 таңдаулы жанұя қатысты.
Комиссия құрамының шешімімен алты отбасы – Танбаевтар, Бекеновтер, Жәңгіровтер, Қарақойшиевтер, Сабыржановтар, Самархандар алғыс хаттармен және сыйлықтармен марапатталды. Қайырлиевтер жанұясы – «Үлгілі жанұя», отбасымен қаржы саласында саласында еңбек ететін Османовтар – «Экономистер династиясы», Өтешовтар – «Кәсіпкерлер жанұясы», Әбуовтар – «Өнерлі отбасы» аталымдарымен марапатталды.
Сансызбаевтар жанұясы – үшінші орын иемденсе, Шаймардановтар – екінші, Шуриндер – бірінші орынды алды. Ұлттық байқаудың қалалық кезеңінің бас жүлдесі Ероллевтер отбасына берілді. Бір ұл бес қыз тәрбиелеп отырған жанұяның отағасы Айжол Хапитұлы – БҚО ПД қызметкері. Отанасы – Сәбира Рамазанқызы. Өздерінің де, қыздары Наргиза, Лилия, Әсемгүл, Жанелдің де жетістіктері мен алған марапаттары жетерлік. Ұлдары Мансұр – 2 сыныпта оқиды, үйдің кенжесі – Айлина екі-ақ жаста. Бас жүлде иеленген Еролеевтер енді облыстық байқауда бақ сынамақ.
Байқау қатысушылары мен жүлдегерлерін шараға арнайы қатысқан ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссиясы төрағасының орынбасары Елена Тарасенко мен қала әкімінің орынбасары Бақытжан Нарымбетов құттықтады. Жүлдегерлер мен қатысушыларға «Kinoplexx» кинотеатры, «Рондо» балалар балет студиясы, «Турист» сауда үйі, «Белес», «Жарас» компаниялары, «Флорист» салоны, «CLAS» оқу орталығы, облыстық балалар-жасөспірімдер туризмі және экология орталығы, STUDIO13, «Шабыт» қоғамдық бірлестігінің демеушілігімен сыйлықтар табысталды.
Эльмира НҰҒМАНОВА
ТАНБАЕВТАР отбасы
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу