КіруСЕГІЗ БАСЫМДЫҚ АЙҚЫНДАЛЫП, НАҚТЫ ТАПСЫРМАЛАР БЕРІЛДІ
Батыс Қазақстан облысына жұмыс сапарымен келген ҚР Президенті Қасым-Жомарт Тоқаев сегіз басымдықты айқындап, облыста атқарылуы тиіс негізгі жұмыстарға байланысты Үкімет пен облыс басшысына тапсырмалар жүктеді.
Біріншіден, облыстың өндірістік әлеуетін пайдаланып, жоғары технологиялы кәсіпорындар ашу және инвестиция тарту жұмысын жүйелі жүргізу қажет.
Екінші тапсырма – агроөнеркәсіп кешенін дамыту үшін пәрменді іс-шаралар қабылдау.
Үшіншіден, әкімдіктер халықты кәсіпкерлікті дамыту бағдарламаларына тартып, бизнесті жүргізудің негіздеріне оқытуы және шағын несиелеу тәжірибесін кеңейтуі қажет.
Төртінші міндет – облыстың барлық аудандарында дене шынықтыру-сауықтыру кешенін салу және тұрғын үй саясатын белсенді жүргізу. Облыс басшысына «Қолжетімді баспана» құрылысының барысы мен тұрғын үйлерді бөлуді қатаң бақылауда ұстау тапсырылды. 2020 жылы облыстағы елдімекендердің орталықтандырылған ауыз сумен қамту жүйесіне қосылуын 80 пайызға дейін жеткізу қажет.
Бесінші міндет – бірінші санатты инфрақұрылымды қамтамасыз ету. Бұл ретте 2021 жылға дейін Қазталов, Жәнібек, Бөкей Ордасы аудандары бағытындағы жол құрылысын аяқтау міндеті тұр. Тозығы жеткен электр желілерін жаңарту қажет.
Алтыншы міндет – әкімдіктер басқарудың жаңа технологияларын қолдану қажет. Облыс басшылығы қоғамдық бақылау жүргізу және сол сәтте мәселені шешу үшін азаматтық қоғамды белсенді тартуы керек. Кедергісіз орта қалыптастырып, адамдардың өтініштеріне жедел жауап берулері керек.
Жетіншіден, елімізде жастардың өздерін дамытуға мүмкіндіктері бар екенін іс жүзінде көрсету қажет.
Сегізінші міндет – биліктің халық алдындағы жауапкершілігі. Бұл ретте Үкімет 2025 жылға дейін мемлекет, бизнес, үкіметтік емес ұйым арасындағы жауапкершілікті айқындау мақсатында азаматтық қоғамды дамыту тұжырымдамасын дайындауы тиіс.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу