КіруОРАЛДА КІТАП АЛМАСУ АКЦИЯСЫ ӨТТІ
Оралдағы Назарбаев Зияткерлік мектебінде «Кітап әлемді бағындырады» шарасы өтті. Дүниежүзілік авторлық құқық және кітап күніне орай ұйымдастырылған акцияға мектеп ұжымы, оқушылар және ата-аналар қатысты.
Ереже бойынша қатысушы сыйлыққа алғысы келетін үш кітаптың атауы жазылған тізімді дайындайды. Оған жұп ретінде ұсынылған қатысушы осы кітаптың бірін сыйлайды.
– Аталған шара осымен үшінші рет өтуде. Қатысушылар жыл санап көбейіп келеді. Биыл акцияға қатысуға 130 кітапсүйер оқырман өтініш білдірді, – дейді мектеп кітапханашысы Юля Петрова.
– Меніңше, сыйлыққа кітап алған барлық адамға ұнайды. Оның ішінде кітапқұмар жан үшін бұл – екі есе бақыт. Сол себепті ұйымдастырушыларға алғыс айтқым келеді, – дейді акцияға қатысушы ата-ана Гүлдәурен Айтуева.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу