КіруБҚО-ДА ҚҰРАН ЖАРЫСЫ ӨТТІ
Бөрлі ауданында Қазақстан мұсылмандары діни басқармасы Батыс Қазақстан облысы бойынша өкілдігінің ұйытқы болуымен, Бөрлі аудандық мешітінің ұйымдастыруымен «Құран кәрімді» мәнерлеп оқудан VIII республикалық құран жарысының БҚО бойынша іріктеу кезеңі өтті.
Айтулы іс-шара ауданның орталық мешіті саналатын Ақсай қалалық мешітінде өтті. Құран сайысына облыстың түкпір-түкпірінен өтініш білдірген мешіт жамағаттары мен шәкірттер қатысты. Басты мақсат – ислам дінін насихаттаумен қатар, жастарды рухани ілімге тәрбиелеу. Жарысқа ҚМДБ БҚО бойынша өкіл имамы Е.Қарақұлов, Орал облыстық орталық мешітінің наиб имамы С.Әлібаев, Орал облыстық орталық мешітінің ұстазы Р.Әкімов төрелік етіп, жеңімпаздарды анықтады.
Құран кәрімді мәнерлеп оқу бойынша ІІІ орынды маңғыстаулық Әсет Сәрсенов, ІІ орынды ақжайықтық Ерлан Айтенов, ал доданың бас жүлдесі оралдық Шаман Оралханға бұйырды.
Ш.Оралхан сәуір айында Алматы қаласында өтетін республикалық жарыста өңір намысын қорғайтын болады.
Үміт Ізтелеу, Бөрлі ауданы
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу