КіруСУҒА ТҮСУГЕ АРНАЛҒАН 69 ОРЫН БЕКІТІЛДІ
Бүгін өңірлік коммуникациялар қызметі ақпарат алаңында өткен брифингте БҚО ТЖД суға түсу маусымына дайындық жұмыстарының басталғанын хабарлады.
Былтыр Батыс Қазақстан облысындағы су айдындарында суға бату бойынша 15 төтенше жағдай тіркелген. Оның екеуі бала. Оқиғалардың басым бөлігі Орал қаласы мен Бәйтерек ауданы аумағында тіркелген. Атап айтқанда, 2018 жылдың тамыз айында Бәйтерек ауданы Трекин ауылдық округінің Желаев карьеріндегі ақылы жағажай аумағындағы суда жазатайым оқиға орын алды, нәтижесінде кәмелетке толмаған бала зардап шеккен болатын.
– Бұл – жағажай аумағының меншік иесі «Технопарк «Социум» ЖШС болатын. Қазақстан Республикасының 2015 жылғы 29 қазандағы №375-V Кәсіпкерлік кодексінің 144-бабы 3-тармағы 5-тармақшасының негізінде облыс прокуратурасының тапсырмасымен департамент «Технопарк «Социум» ЖШС-на адам денсаулығына зиян келтіру фактісі бойынша жоспардан тыс тексеру жүргізді. Жүргізілген тексеру нәтижелері бойынша су айдындарындағы қауіпсіздік ережелерін бұзу анықталды және лауазымды тұлға әкімшілік жауапкершілікке тартылды, – деді БҚО ТЖД азаматтық қорғаныс бөлімінің бастығы, полковник Максим Хайрекенов.
Департамент мамандарының сөзінше, облыстағы су айдындарында жаппай демалуға арналған 69 орын бекітілген. Орал қаласы бойынша 5 орын бар. Бүгінде оларды жабдықтау және жауапты иелерін бекіту жұмыстары жүргізілуде.
Білім беру ұйымдарында судағы қауіпсіздік туралы интерактивті сабақтар ұйымдастырылып, ата-аналарға жадынамалар таратылуда. Сондай-ақ арнайы бейнеүзік дайындалады.
Эльмира НҰҒМАНОВА
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу