КіруТИІСТІ ҚҰЖАТТАРСЫЗ БАЛЫҚ ТАСЫМАЛДАҒАНДАР ҰСТАЛДЫ
«Бекіре – 2019» іс-шарасы аясында батысқазақстандық полиция қызметкерлері бір күн ішінде тиісті құжаттарсыз балық тасымалдаудың үш фактісін анықтады.
11 сәуір күні таңғы сағат 6.00 шамасында «Атырау-Орал» автожолының «Көшім» бекетінен «Seat Alhambra» маркілі автокөлігі тоқтатылып, тексеру кезінде көліктен 512 келі балық табылған. Көлік тізгініндегі 1992 жылғы Ақжайық ауданы тұрғынының бұл балықтарға ешқандай ілеспе құжаттары болмаған.
Сағат 11.05 шамасында «Орал-Подстепный» автожолының «Рубеж» стационарлық бекетінде полиция қызметкерлері «Газель» көлігін тоқтатты. Тексеру кезінде көлік жүргізушісі 1964 жылғы теректілік азаматтың 2 тонна балықты ілеспе құжаттарсыз алып бара жатқаны белгілі болды.
Дәл осы күні сағат 14.25-те «Барбастау-Индер» бағытындағы автокөлік жолының Теректі ауданына қарасты Шағатай ауылы тұсында «Фольксваген Шаран» автокөлігі тоқтатылған. Көліктен ілеспе құжаттарсыз 16 қап, яғни 800 келі әр түрлі балық табылды. Көлікте болған 1192 және 1986 жылғы Ақжайық ауданының екі азаматы ұсталды.
БҚО Полиция департаменті баспасөз қызметінің мәліметінше, қазіргі уақытта барлық фактілер бойынша Қылмыстық Кодекстің 196-бабы 1-тармағымен (Көрінеу қылмыстық жолмен табылған мүлікті иемдену немесе өткізу) сотқа дейінгі тергеу амалдары басталған.
Атап өту керек, қазіргі уақытта Батыс Қазақстан облысы аумағындағы Жайық-Каспий бассейні аумағында заңсыз балық аулау мен оларды сатудың және заңсыз тасмалдаудың жолы кесу мақсатында «Бекіре-2019» жедел алдын алу шарасы өткізілуде. Шара 31 мамырға дейін жалғасады.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу