КіруКИІК МҮЙІЗІМЕН ШЕКАРАДАН ӨТПЕКШІ БОЛҒАН
9 сәуір күні Батыс Қазақстан облысы «Сырым-Авто» шекара бекетінен киік мүйізін өткізбекші болған Өзбекстан Республикасының азаматы ұсталды.
Батыс Қазақстан облысының Полиция департаменті табиғатты қорғау полициясының қызметкерлері «Киік» жедел-профилактикалық іс-шарасы барысында 9 сәуір сағат 11.45 шамасында «Сырым-Авто» шекара бекетінде шекара қызметімен бірлесе тексеру кезінде Өзбекстан Республикасының 1970 жылы туған азаматын ұстады. Бұл азамат қол сөмкесінің ішіне 148 дана киіктің мүйізін салып алып, шекарадан өтпекші болған.
БҚО ПД баспасөз қызметінің мәліметінше, аталған факті бойынша Бәйтерек ауданының Приурал полиция бөлімі Қазақстан Республикасы ҚК-нің 339-бабы бойынша сотқа дейінгі тергеуді бастады (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу).
«Киік» жедел-профилактикалық іс-шарасы 30 сәуірге дейін жалғасады.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу