КіруБҚО-ДА МЕМЛЕКЕТТІК ҚЫЗМЕТШІЛЕР АРАСЫНДАҒЫ ДӘСТҮРЛІ СПАРТАКИАДА БАСТАЛДЫ
Спартакиада Батыс Қазақстан облыстық мемлекеттік, банк мекемелері және қоғамдық қызмет көрсету қызметкерлері салалық кәсіподағының жоспары бойынша Батыс Қазақстан облысы әкімдігімен, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің БҚО бойынша департаментімен бірлесе ұйымдастырылуда.
Дəстүрлі облыстық спартакиаданың мақсаты – ҚР Тұңғыш Президенті Н.Назарбаевтың «Болашаққа бағдар: рухани жаңғыру» атты мақаласын іске асыруда мемлекеттік қызметшілердің жетекші рөлін жəне дəстүрлі шараға айналған сайыстың мəртебесін арттыру, мемлекеттік қызметшілерді спортпен жүйелі шұғылдануға бағыттау, жарысқа қатысушылардың спорттық шеберліктерін шыңдау, мемлекеттік мекемелердің қызметкерлері үлгісінде бұқаралық спортты насихаттау.
Шараның салтанатты ашылуында облыс əкімі аппараты басшысының орынбасары А.Досжанов, облыстық мемлекеттік, банк мекемелері жəне қоғамдық қызмет көрсету қызметкерлерінің салалық кəсіподағының төрайымы А.Есекенова сөз сөйлеп, спартакиадаға қатысушыларды құттықтап, оларға жарыста сəттілік тіледі.
Биыл облыстық спартакиадаға 1000-нан астам мемлекеттік қызметші қатысады деп күтілуде. Олар осы сəуір айынан бастап баскетбол, шахмат, үстел теннисі, тоғызқұмалақ, жеңіл атлетика, қол күресі, шағын футбол, Президенттік көпсайыс түрлері бойынша жарысады. Екі кезеңдік жарыс 23 маусым – Мемлекеттік қызметшілер күніне қорытындыланады.
Фотосуреттерді түсірген Рафхат Халелов
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу