Кіру«ЖҰЛДЫЗАЙДЫҢ» ОБЛЫСТЫҚ ІРІКТЕУ КЕЗЕҢІ ӨТТІ
Жыл сайын «Жұлдызай» фестивалі өңіріміздің түкпір-түкпірінен жүздеген дарынды балалардың басын қосады. 2005 жылдан бері ұйымдастырылып отырған бұл шара биыл жоғары деңгейде өтті.
Бүгін Х.Бөкеева атындағы облыстық қазақ драма театрында республикалық «Жұлдызай» фестивалінің облыстық іріктеу кезеңі өтті. Фестивальдің аудандық кезеңіне 500-ге жуық ерекше қажеттіліктері бар балалар қатысса, облыстық кезеңіне өз өнерлерімен ерекшеленген 150-ден аса бала бақ сынады.
Дәстүрлі түрде өткізіліп келе жатқан шараның мақсаты – еліміздің түкпір-түкпіріндегі ерекше балалар мен жасөспірімдердің шығармашылық қабілеттерін, әлеуметтік белсенділігін дамыту, қоғамдық ортада өздерін еркін сезінуге көмектесу.
Фестиваль барысында қатысушылар «Вокал», «Хороеграфия», «Ым-ишаратпен ән айту» номинациялары бойынша өз өнерлерін ортаға салды. Сонымен қатар фестивальдің «Бейнелеу өнері», «Көркем-қолданбалы өнер» номинациялары бойынша театр фойесінде үздік деп танылған жұмыстардан көрме ұйымдастырылып, көрермен көңілінен шықты.
Көңілді кейіпкер аниматорлары мен «Жасұландықтар» балаларға флешмоб ұйымдастырып, жақсы көңіл-күй сыйлады.
Фестивальдің өтуіне «Орал – Дез» ЖШС директоры Аслан Қарабалин, «Фирма Сервер плюс» ЖШС директоры Алексей Наумов, жеке кәсіпкер Күнсұлу Қиламбекова, «Стекло Сервис» ЖШС директоры Аркадий Рубцов, жеке кәсіпкер Нұржамал Кабакова, жеке кәсіпкер Аухат Оңғаров, жеке кәсіпкер «Art dance» директоры Динара Мерғалиева демеуші болып, қолдау көрсетті.
Барлық қатысушылар білім басқармасының алғыс хаты мен бағалы, естелік сыйлықтарымен марапатталды.
Облыстық бірінші кезеңнен іріктелген балалар республикалық байқауға жолдама алды.
Суреттерді түсірген Рафхат ХАЛЕЛОВ
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу