КіруОРАЛДА ЕЛЕУСІНОВТІҢ ЖҮЛДЕСІНЕ АРНАЛҒАН ТУРНИР ӨТУДЕ
Оралдағы оқушылар сарайында ХХХІ жазғы олимпиаданың чемпионы Данияр Елеусіновтің жүлдесіне арналған ересектер арасында халықаралық турнир өтуде. Еліміздің әр түкпірінен және Қырғызстан мен Өзбекстан Республикаларының былғары қолғап шеберлері қатысып жатқан дода наурыздың 29-ы күні мәреге жетеді.
Жерлесіміз Данияр Елеусіновтың жүлдесіне арналған турнир облыстық дене шынықтыру және спорт басқармасының ұйымдастыруымен осымен екінші мәрте өтуде. 26 наурыз күні салтанатты түрде ашылған шараға облыс әкімінің орынбасары Ғабидолла Оспанқұлов және арнайы шақырылған олимпиада ойындарының жүлдегерлері Ермахан Ыбрайымов пен Мұхтархан Ділдәбеков қатысты. Құрметті меймандар спортшыларға сәттілік тілеп, Данияр шыққан топырақтан болашақта еліміздің көк Туын әлемдік додаларда биікке көтеретін ізбасарларының көбірек шығарына сенім білдірді.
Ашық турнирге Нұр-Сұлтан қаласының, Маңғыстау, Атырау, Ақмола, Ақтөбе, Қызылорда, Түркістан, Батыс Қазақстан облыстарының және Өзбекстан мен Қырғызстан Республикаларының командалары бойынша 76 боксшы жиналған. Олар 10 салмақ дәрежесі бойынша шаршы алаңда баптары мен бақтарын сынға салуда.
Өзбекстан Республикасы Самарқан облысының аға бапкері Икром Ходжаев бұл турнирге 14 шәкіртін алып келіпті.
– Біздің елде бокс жақсы дамыған. Ел чемпионаттарына 300-400-дей спортшы қатысады. Бәсекелестік жоғары. Оралға бірінші мәрте келуіміз. Туринирдің алғашқы екі күні жақсы өтті. Спортшыларымыздың арасында жеңгендер де, жеңілгендері де бар. Жүлдеден үміттіміз, – дейді И.Ходжаев.
Былғары қолғап бәсекесіне халықаралық дәрежедегі АИВА төрешілері төрелік етуде. Бас төреші – «Қазақстандық бокс федерациясы» қауымдастығының үйлестірушісі, Азияның үздік супервайзері атанған Аслан Игубаев.
– Турнирдің деңгейі өсіп келеді. Қатысушылардың былтырғы жылға қарағанда екі есеге өскенін атап өту керек. Әрі бұған дейін олимпиада ойындарына, Азия және Әлем чемпионаттарына қатысқан тәжірибелі боксшылар бар, – деді бас төрешінің орынбасары Нұрсұлтан Қонарбаев.
Эльмира НҰҒМАНОВА
Сағындық МОЛДАШЕВ, Батыс Қазақстан облысының спортшысы, спорт шебері:
–Турнир тартысты өтуде. Өзім 56 келі салмақ дәрежесі бойынша шығудамын. Алғашқы күні Қырғызстан боксшысын жеңдім. Ол да тәжірибелі боксшы. Жақсы мектептен өткені байқалады. Сондықтан қиындау болғаны рас. Ширек финалда ақтөбелік қарсыласымды ұпай санымен ұттым. Алда жартылай финал. Бокс – адамды шыдамдылыққа, батылдыққа, бірінші кезекте тәртіпке үйретеді. Жаттықтырушым Саттар Сұлтанғалиевтің бізге айтатыны – осы. Қазіргі уақытта өзім де шәкірттер тәрбиелеудемін.
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу