КіруАСТАНАДА ЖАҢА МЕШІТ САЛЫНАДЫ
Мемлекет басшысы Нұрсұлтан Назарбаев Астананың жаңамешітінің құрылыс орнында іргетасын қалау рәсіміне қатысты. ЭКСПО аумағында орналастын жаңа мешіт салуға жеке демеушілер мен бизнес қауымдастықтар ат салысатын болады, деп хабарлады BAQ.KZ.
Елбасы бұл жобаны өзі басынан соңына дейін жеке қадағалайтынын, Наурыз мерекесі алдында ырымдап қолға алып жатқанын жеткізді.
«Біз бұрынғы және қазір салынған барлық қолданыстағы мешіттерді зерттеп, қарап шығып, ең үздік жобаларды таңдадық. Бұл жобаны өзім қарап шықтым. Құрылысты басынан аяғына дейін қадағалаймын», – деп атап өтті Мемлекет Басшысы.
Орта Азиядағы ең үлкен мешіт болады деп күтіліп отырған ғибадатхана 9,4 гектар жерге салынады және 57 мың шаршы метр аумақты алмақ.
«Сонымен қатар, бұл жай ғана діни нысан емес, ол Астананың туристік нысандарының бірі болады. Мен БАӘ-гі шейх Заидтің алтын мешітін көрдім. Ол осыдан 3-4 жыл бұрын ашылғанына қарамастан, жыл сайын оған алты миллион турист келеді екен», – деді Нұрсұлтан Назарбаев.
Мұнаралары 130 метр биіктікке шаншылса, бас күмбезінің биіктігі 88,2 метрді құрайтын болады.
Ер адамдардың намаз аумағы 15 000 адамды қамтыса, әйел адамдардың бөлмесі 3000 орынға шақталған.
«Астана – 2020» қорының атқарушы директоры Нұржан Мыңжасаровтың айтуынша, жаңа мешіт Орталық Азиядағы ең ірі мешіт болады.
«Бұл мешіт өз өлшемдерімен бірегей. Орталық Азиямен ТМД елдерінің ірі мешіті болады. Сондай-ақ әлемнің алғашқы ондығына кіреді. Жалпы ауданы 57 мың шаршы метр, негізгі залы – 15 мың шаршы метр. Жалпы сыйымдылығы 30 мың адам болады. 3000 шаршы метр әйелдер намаз залы. Мұнараның биіктігі 130 метр, орталық күмбездің биіктігі 88 метр» – дейді ол.
Н.Мыңжасаров жаңа мешіттің құрылысын 24 айда аяқтау жоспарланып отырғанын айтты.
Ал құлшылық орнынан басқа бөлмелелері 12 000 адамды сиғызатын болады.
Бауыржан ЖУАСБАЕВТЫҢ суреттері
Версия для печати
Соңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
Пікір үстеу