КіруНАУРЫЗ МЕРЕКЕСІНДЕ ТАМАҚТАН УЛАНУДАН САҚТАНАЙЫҚ
Наурыз мейрамы – ежелгі заманнан қалыптасқан жыл бастау мейрамы. Наурыз мерекесін тойлау дәстүрі қазақ халқының тұрмыс-салтында бағзы замандардан орын алған. Қала аумағында қалың қыстан аман-есен шығып, күн нұрына бөленіп, жаңа жылды қарсы алған қала халқының тұрғындары жиылған мерекелік шаралар жыл сайын атап өтілуде. Сонымен қатар мерекелік шаралар ұйымдастырылған орындарда қазақтың ұлттық ойындары ойнатылып, ұлттық тағамдарымен толтырылған үлкен дастархан жайылып, «Наурыз көже» ұсынылады. Алайда тағам дайындау технологиясы дұрыс сақталмаған, сату жағдайларында бұзушылықтар кездескен тағамдарды тұтыну кезінде адамның денсаулығына кері әсерін тигізетін әр түрлі тамақтан улану белең алуы мүмкін.
Осыған орай Орал қалалық қоғамдық денсаулық сақтау басқармасы халықтың санитариялық-эпидемиологиялық салауаттылығын сақтау мақсатында «Наурыз» мерекесін тойлау қарсаңында кәсіпкерлік субъектілеріне, қала тұрғындарына ҚР ДСМ 2017 жылғы 31 мамырдағы №358 «Тамақ өнімдерінің көтерме және бөлшек сауда объектілеріне қойылатын санитариялық-эпидемиологиялық талаптар» бұйрығы негізінде тамақтан уланудың алдын алу шараларын орындау қажеттігін қаперге салады.
Сауда нүктелерінде өнеркәсіпте дайындалмаған (үйде дайындалған) герметикалық қапталған консервіленген тамақ өнімдерін, өнеркәсіпте дайындалмаған (үйде дайындалған) кондитерлік бұйымдарды, аспаздық (ет және балық, көкөніс, ұн) бұйымдарды, өнеркәсіпте дайындалмаған (үйде дайындалған) жас және қайта өңделген саңырауқұлақтарды өткізуге және тұтынуға жол берілмейді. Тез бұзылатын тамақ өнімдері үшін тауардың ілеспе құжаттарында өнімдердің дайындалған уақыты және күні, сақтау температурасы және өткізудің соңғы мерзімі көрсетілуі тиіс.
Сонымен қатар, тағам өнімдерін сату кезінде төменде көрсетілген қағидаларды сақтау қажет:
- объектіні, іргелес аумақты таза ұстайды;
- тамақ өнімдерін қабылдауды және өткізуді оның қадағалануын қамтамасыз ететін, сапасы мен қауіпсіздігін растайтын тауарға ілеспе құжаттар бар болғанда жүзеге асырады;
- тамақ өнімдерінің жарамдылық мерзімдерін, сақтау және өткізу жағдайларын сақтауды қамтамасыз етеді;
- тамақ өнімдерінің өткізу мерзімдері мен босату талаптарын сақтайды, босату кезінде сауда мүкәммалын пайдаланады;
- тамақ өнімдерін ластанудан қорғайды;
- таза арнайы киімді киеді;
- жеке гигиена қағидаларын сақтайды;
- өзімен бірге нормалау құжаттарында бекітілген нысан бойынша жеке медициналық кітапшасы болады.
Тамақ өнімдері қабылдау, сақтау, тасымалдау және өткізу кезінде оның қадағалануын қамтамасыз ететін, сапасы мен қауіпсіздігін растайтын тауардың ілеспе құжаттарымен, сондай-ақ 021/2011 КО ТР талаптарына сәйкес сақтау, тасымалдау жағдайлары және сақтау мерзімі туралы ақпаратпен қоса жүруі тиіс. Тамақ өнімдерін сақтау, тасымалдау, өлшеп-орау және өткізу шикі тамақ өнімдері мен жартылай фабрикаттарды тұтынуға дайын тамақ өнімдерінен бөлек тасымалдауды, сақтауды, өлшеп-орауды қамтамасыз ете отырып, тауар көршілестігін сақтау арқылы оның ластануын болдырмайтын жағдайларда жүзеге асырылады.
Тез бұзылатын тамақ өнімдерін тасымалдау тасымалдаудың температуралық режимін қамтамасыз ететін, салқындатылатын, изотермиялық шанағы бар көлік құралдарында, рефрижераторларда жүргізіледі.
Гүлдана Губайдуллиева, Орал қалалық қоғамдық денсаулық сақтау басқармасы маманы
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу