КіруТӨТЕНШЕЛІКТЕР БАЛАЛАРҒА АРНАЛҒАН МУЛЬТФИЛМ ДАЙЫНДАУДА
Батыс Қазақстан облысының төтенше жағдайлар департаментінің Техникалық байланыс және құлақтандыру бөлімшесі «Өрт қауіпсіздігі ережелері» тақырыбына мультипликациялық фильм әзірледі.
Барлық балалар дерлік өрттің әлеуетті қауіп-қатерін толық түсінбестен, өртке асқан қызығушылық танытады. Үйде жалғыз қалған баланың сіріңке қорабымен ойнағысы, қағазды өртегісі келмейтініне, әрбір үйде бар тұрмыстық техниканың қалай жұмыс жасайтынына қызығушылық білдірмейтініне сенімді болуға болмайды. Әсіресе, жылу беру кезеңінде әр бала жылыту пешінің құрылысы мен оны пайдаланудың негізгі ережелерін білуі тиіс.
Төтеншеліктер дайындаған мультфильм балаларды оқытуға арналған. Кейіпкерлерге бағзы заманнан бері адамзатқа адал болып келген адамның төрт аяқты достары таңдалды.
БҚО ТЖД ӨҚСБ және ПҚБ бас маманы азаматтық қорғау аға лейтенанты А.Қадыровтың айтуынша, мультфильмде жылыту маусымы кезіндегі өрт қауіпсіздігі ережелері туралы айтылады. Онда балаларға егжей-тегжейлі және түсінікті түрде жылыту пешінің негізгі ережелері мен қолданылуы көрсетіледі. Биылғы жылы тағы бес бөлім әзірлеу жоспарлануда.
Айта кету керек, төтеншеліктер биылғы жылыту кезеңінде өрттің профилактикасына бағытталған 4 бейнеролик жасады.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу