КіруБАТЫСҚАЗАҚСТАНДЫҚ ОҚУШЫ «ӨРТТЕГІ ЕРЛІГІ ҮШІН» МЕДАЛІМЕН МАРАПАТТАЛДЫ
Ақжайық ауданындағы К.Байсыков атындағы орта мектептің 11-сынып оқушысы Медет Жүнісов екі адамды өрттен құтқарды. Батыр оқушыны салтанатты түрде марапаттау БҚО төтенше жағдайлар департментінде өтті.
Оқиға 22 ақпан күні болған. Батыс Қазақстан облысының Төтенше жағдайлар департаментінің мәліметінше,22 ақпанда сағат 17.56 БҚО ТЖД Бірыңғай кезекші диспетчерлік қызмет басқармасының «112» нөміріне Ақжайық ауданы Тайпақ ауылындағы Ә.Молдағұлова көшесі 13, жеке 2 пәтерлі 1980 ж. азаматқа тиесілі №1 пәтердің ғимаратында ауданы 51 шаршы метрлік жеке заттар, жиһаздар, қабырғалар мен шатыр жабыны жанғаны туралы хабарлама келіп түсті. Оқиға орнына жеке құрамнан 8 адам мен 2 бірлік техника барған. Өрт 18.59 сағатта оқушауланып, 19.52 сағатта толықтай сөндірілді. Осы өртте К.Байсыков атындағы орта мектептің 11-сынып оқушысы Мирас Жүнісов өрт сөндірушілер келгенше, ержүректік көрсетіп, екі адамды – 8 жасар бала мен оның ағасын құтқарған.
Салтанатты марапаттау жиынында департамент бастығы, генерал-майор Ж.Жұмашев Медеттің батылдығын мадақтап, медаль табыстады. Ұлын лайықты тәрбиелегені үшін жасөспірімнің ата-анасына ҚР ІІМ министрі атынан алғыс хат және баланың сынып жетекшісіне БҚО ТЖД бастығының алғыс хаты табыс етілді.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу