КіруАУЫЛШАРУАШЫЛЫҚ ӨНІМДЕРІНІҢ ЖӘРМЕҢКЕСІ ӨТЕДІ
Орал қаласы әкімдігі 2 ақпаннан бастап ауыл шаруашылық жәрмеңкесі өткізілетінін хабарлайды.
Әлеуметтік маңызы бар азық-түлік тауарлары бағаларының өсуін болдырмау шаралары аясында «LTD Altyn Nar Traide» ЖШС-нің қатысуымен «Весы» сауда үйінде көкөніс, жеміс-жидек және өңделген тағамдар сататын сауда орындары 2 ақпаннан бастап ашылады. Қаламыздағы кәсіпкерлік қызметті қолдау мақсатында сауда орындары тауар өндірушілерге тегін беріледі. Осы ретте қала әкімдігі шаруа қожалықтарын, ауылшаруашылық өнімдерін өндірушілер мен өңдеушілерді, сондай-ақ көтерме жеткізушілерді аталған жәрмеңкеге қатысуға шақырады. (Байланыс телефоны: 8 775 655 71 97, 8777 567 70 15).
Қала басшысы М.Мұқаевтың сөзінше, өткен жылы шаһарда 29 ауыл шаруашылық өнімдерінің жәрмеңкесі ұйымдастырылған. Жүйелі өткізілген жәрмеңкелерде 80-ге жуық тауар өндіруші өз өнімдерін делдалсыз, өз бағасында тұтынушыларға ұсынған. 1 128 тонна ауылшаруашылық өнімі 397,1 млн. теңгеге сатылған.
Ауа-райының салқындығына байланысты кезекті жәрмеңке жаңадан ашылған жабық базарда өткізілмек.
«Весы» сауда үйінің мекенжайы: Д.Нұрпейісова көшесі, 40 («Жалын» базары артында).
Соңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу