Кіру«ӨСУ ВЕКТОРЫ»: гуманитарлық пән мұғалімдерінің басын қосты
Батыс Қазақстанда «ӨСУ ВЕКТОРЫ» мектебінің қоғамдық-гуманитарлық пән мұғалімдеріне арналған кезеңі басталды.
Бүгін Орал қаласының «Оқушылар сарайы» қосымша білім беру орталығы базасында кәсіби шеберлігін арттыру, білім оқыту үдерісіндегі өзгерістерді енгізудің тиімді жолдарын табу және нәтижеге бағытталған жұмыстарды жүргізу, «Рухани жаңғыру» жалпыұлттық идеясының құндылықтарын тәрбие үрдісінде жүзеге асыру, озық педагогикалық идеялар мен «Назарбаев зияткерлік мектебі» тәжірибелерін жалпы білім беретін мектептерге енгізу мақсатында «ӨСУ ВЕКТОРЫ» мектебінің қоғамдық-гуманитарлық пән мұғалімдеріне арналған кезеңі басталды. Ашылу салтанатында Білім басқармасының басшысының орынбасары З.Ғұмарова құттықтау сөз сөйлеп, мектеп жұмысына сәттілік тіледі.
Мектеп жұмысына облыстың жалпы білім беретін мектептерінің қоғамдық-гуманитарлық пән мұғалімдері қатысуда. Мектептің жұмысы барысында пән мұғалімдерін кәсіби тұрғыдан дамыту, білім беру мазмұнын жаңарту, ұстаз танымы, білім берудегі цифрлық сауаттылық, әлеуметтік желідегі ұстаз мәдениеті, т.б. мәселелер қарастырылады. Шара үш күн бойы Оқушылар сарайында өтеді.
Пән мұғалімдері Ж.Досмұхамедов атындағы жоғары педагогикалық колледжінің директоры С.Бахишева, М.Өтемісов атындағы БҚМУ тарих ғылымдарының кандидаты, доцент Ж.Жақсығалиев, өлкетанушы Ж.Ақбай, педагогика ғылымдарының докторы, профессор, ардагер-ұстаз Ш.Х.Құрманалина, Облыстық техникалық шығармашылық орталығының директоры Ж.Шонбаев, Еңбек ардагері Р.Бисенғалиқызымен, «Жайық Пресс» медиахолдингінің ақпарат бөлімінің жетекшісі журналист Н.Рахмановпен, ақын, тележүргізуші М.Балмолдамен кездесіп, білім саласындағы жаңашыл идеяларымен ой бөлісіп, практикалық тұрғыда жұмыстанады.
Мектеп жұмысының қорытындысы бойынша қатысушыларға сертификат беріледі.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу