КіруӨңірде негізгі көрсеткіштер өсуде
Батыс Қазақстан облысында биылғы жылдың алғашқы тоқсаны қорытындысы бойынша әлеуметтік-экономикалық даму көрсеткіштері оң серпін көрсетіп отыр. Бұл туралы БҚО әкімінің баспасөз қызметі хабарлады.
Аталған мәліметтер ҚР Премьер-министрі Олжас Бектенов төрағалығымен өткен Үкімет отырысында қаралды. Жиынға облыс әкімінің уақытша міндетін атқарушы Тілепберген Каюпов селекторлық режим арқылы қатысты.
Баспасөз қызметінің дерегінше, өңірде негізгі әлеуметтік-экономикалық көрсеткіштердің басым бөлігінде өсім тіркелген. Атап айтқанда, ауыл шаруашылығы өнімінің көлемі 4,6 пайызға ұлғайса, негізгі капиталға салынған инвестициялар 22,3 пайызға артқан. Құрылыс саласында да айтарлықтай ілгерілеу бар: жұмыстар көлемі 17,4 пайызға өсіп, жалпы ауданы 92,5 мың шаршы метр тұрғын үй пайдалануға берілген. Сонымен қатар ішкі сауда мен көлік қызметтері бағытында да тұрақты даму қарқыны сақталған.
Өңір бюджетінің кіріс бөлігі де жоспардан асыра орындалған. Қазынаға 135,1 млрд теңге түсіп, жоспар 131,4 пайызға орындалды. Оның ішінде облыстың меншікті кірістері 59,8 млрд теңгені құрап, белгіленген межеден 20,5 пайызға жоғары болды.
Дегенмен республикалық бюджеттен бөлінген нысаналы трансферттердің игерілу деңгейі 69,7 пайызды құрады. Бұл көрсеткіштің төмендеуіне Жайық өзенін нығайтуға бағытталған қаржының уақытылы аударылмауы әсер еткен. Қазіргі таңда аталған бағыттағы жұмыстарды жеделдету және бөлінген қаражатты тиімді игеру бойынша нақты шаралар қолға алынған.
Толығырақ «Жайық үні» газетінің №16 санынан оқи аласыздар.
Версия для печатиСоңғы жаңалықтар
2026 жылдың І тоқсанының қорытындысы: Ақпараттық шабуылдар жаңа технологиялық деңгейге шықты
Қасым-Жомарт Тоқаев пен Шавкат Мирзиёев Бұхарада Жасанды интеллект бойынша өтіп жатқан жалпыұлттық хакатонды тамашалады
Қазақстан мен Өзбекстан президенттері Бұхараның тарихи орындарын аралап көрді
Шавкат Мирзиёев Қасым-Жомарт Тоқаевқа бірқатар тарихи құжатты тапсырды
БҚО-да «Таза Қазақстан» акциясы аясында бір күнде 423 жерде 760 тонна қоқыс жиналды
🇰🇿🇺🇿Мемлекет басшысы Қасым-Жомарт Тоқаев Өзбекстанға жұмыс сапарымен барды
В ЗКО собрали 760 тонн мусора на 423 локациях за один день в рамках акции «Таза Қазақстан»
Президент: «Адамзаттың барлық жетістігі – ғалымдардың зияткерлік еңбегінің жемісі»
Қазақстанда «Таза Қазақстан» республикалық акциясы аясында @TazaQazBot Telegram чат-боты өз жұмысын жалғастыруда
