КіруЖҮК КӨЛІКТЕРІ ЖОЛДАН ТҮСІП КЕТКЕН
Ауа-райының бұзылуы көліктер қозғалысына қиындық келтіруде. Әсіресе жүк көліктері жолдан түсіп кетіп жатқаны түсірілген бейнелер әлеуметтік желілер арқылы таралуда. Кеше, 14 қаңтар күні БҚО төтенше жағдайлар департаменті мен жергілікті атқарушы орган қызметкерлері Батыс Қазақстан облысы аумағынының тұсында қиындыққа тап болған шетелдік жүк көліктеріне көмек көрсетті.
Батыс Қазақстан облысы ТЖД мемлекеттік тіл және ақпарат тобының хабарлауынша, 14 қаңтар күні сағат 16.40-та «Орал-Атырау» трассасының 153 шақырымында, яғни Мерген ауылы аумағында БҚО ТЖД (1 қызметкер) және аудандық әкімшілік (11 жұмысшы және 2 бір. техника) күштері арқылы кюветке (жолдың жанына) түсіп кеткен Түркия азаматына тиесілі «Iveco» жүк көлігі автожолдың тазартылған бөлігіне шығарылған.
Дәл осы күні, дәлірек айтқанда сағат 17.22.-де «Самара-Шымкент» автотрассасында 350 шақырымында, Сырым ауданының тұсында автожолдан кюветке (жолдың жанына) түсіп кеткен Қырғызстан Республикасының азаматына тиесілі DAF жүк автокөлігі автожолдың тазартылған бөлігіне шығарылды (салонда 1 адам болған. Медициналық көмекке зәру емес). Оқиға орнында БҚО ТЖД (2 қызметкер, 1 бір.техника), «Қазавтожол» ЖШС (3 адам 1 бір.техника) жұмыс істеді.
Сол күні кеште, яғни сағат 22.45-те Ақжайық ауданы «Орал-Атырау» автотрассасының 288 шақырымында Атамекен және Ақсуат ауылдарының арасында БҚО ТЖД «ЖҚЖ» ММ (11 жұмысшы және 2 бір.техника), «ӨС ж АҚЖҚ» ММ (4 қызметкер және 1 бір. техника), аудандық әкімшілік (3 адам және 2 бір. техника) күштері арқылы кюветке түсіп кеткен Өзбекстан Республикасының азаматына тиесілі DAF жүк а/м автожолдың тазартылған бөлігіне шығарды.
Құтқарылғандар қатарында болған Өзбекстан Республикасының азаматы Мирзакул Рахматиллоев ТЖ және жергілікті атқарушы органдардың қызметкерлеріне жедел көмектері үшін шынайы алғысын білдірді.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу