Кіру«Заңсыз» жедел-профилактикалық іс-шарасы өткізілді
Шет елдіктердің көші-қон заңнамын сақтауына, заңсыз көші-қон арналарының жолын кесу және елімізде шет елдіктердің жүріп-тұруына қатаң бақылау жасау мақсатында Орал қаласы аумағында «Заңсыз» жедел-профилактикалық іс-шарасы өткізілді.
Қазақстан Республикасының аумағында заңсыз көшіп-қонушыларды әкімшілік жауапкершілікке тарту мақсатында қызмет көрсетілетін әкімшілік аудандарда учаскелік полиция инспекторларымен аулалар мен пәтерлерді аралау жүргізіліп, жеке тұрғын үй секторлары жеке қожалықтар тексерілді.
Іс-шара өткізу кезінде 127 әкімшілік құқық бұзушылық анықталды.
Соның ішінде:
Қазақстан Республикасы Әкімшілік Құқық Бұзушылық туралы кодексінің 517 бабы-шет елдіктердің немесе азаматтығы жоқ адамның ҚР халықтың көші қоны саласындағы заңнамасын бұзуы бойынша-90 хаттама толтырылды.
518 бабы-шет елдіктерді және азаматтығы жоқ адамдарды қабылдайтын жеке немесе заңды тұлғалардың ҚР халықтың көші қоны саласындағы заңнамасын бұзуы бойынша-35 хаттама толтырылды.
519 бабы-шет елдік жұмыс күшін және еңбекші көшіп келушілерді ҚР заңнамасын бұза отырып тарту бойынша-2 хаттама толтырылды.
2024 жылы Орал қаласының әкімшілік құқық бұзушылықтар жөніндегі мамандандырылған сотының қаулысымен ҚР шегінен әкімшілік жолмен шығарып жіберу жазасын орындамай іздеуде жүрген Өзбекстан Республикасының 1971 жылғы, 1992 жылғы 2 азаматы ұсталды.
Қазақстан Республикасының шегінен Қазақстан Республикасы Әкімшілік Құқық Бұзушылық туралы кодексі бойынша-11, азаматтық процестік кодексі бойынша-2, барлығы 13 шет ел азаматтарын шығару туралы соттың шешімі шықты. Сот шешімін орындамай жүрген 2 шет елдік елден мәжбүрлеп шығарылды.
Орал қ.ПБ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
