КіруОномастиканың өзекті мәселелері қаралды
Бүгін, 24 қарашада Достық үйінде «Ұлттық ономастика – ұлт айнасы: Батыс Қазақстан облысындағы ономастикалық атауларды жүйелендіру мәселелері» республикалық семинары өтті.
Семинарға ҚР Мәдениет және ақпарат министрлігі Архив, құжаттама және кітап ісі комитеті ономастикалық жұмыстар басқармасының басшысы Елерке Төрехан, саясаткер, тілші ғалым Дос Көшім, филология ғылымдарының докторы, Республикалық ономастика комиссиясының мүшесі Сәуле Иманбердиева, филология ғылымдарының кандидаты, «Ономастар одағының» төрағасы Гүлнара Бекенова, Халықаралық «Қазақ тілі» қоғамдық бірлестігінің Астана қалалық филиалының кеңесшісі Болат Жексенғалиев онлайн түрде қатысып, баяндамаларын оқыды.
Сондай-ақ басқосуда филология ғылымдарының докторы, М.Өтемісов атындағы БҚУ доценті Ғабит Хасанов, философия докторы, М.Өтемісов атындағы БҚУ доценті Айдарбек Ақболатов өңірдегі ономастикалық хал-ахуалға тоқталып, ұсыныстарын ортаға салды.
Батыс Қазақстан облысы әкімдігінің қолдауымен, Батыс Қазақстан облысының мәдениет, тілдерді дамыту және архив ісі басқармасының ұйымдастыруымен өткен семинарға аудандық жергілікті атқарушы орган өкілдері, ғалымдар мен тіл жанашырлары, БҚУ магистранттары мен студенттері қатысты.
Дәметкен САҒЫНБАЕВА
(Толығырақ газеттің алдағы аптадағы №48 санынан оқи аласыздар)
Версия для печатиСоңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
