КіруБҚО-да биыл шөп шығымы төмен
Батыс Қазақстан облысында биыл шөп шығымы төмен болып, шаруалар мал азығын әзірлеуде қиындық көріп отыр. Әсіресе, оңтүстік аудандарда қысқы қордың тек 40-50 %-ы жиналған. Ал алда қоян жылының қысы қатты болады деп болжанып отыр.
Биыл өңірде шөп шығымы жылдағыдан төмен. Мамырда күн күрт суытып, көк көтерілмей қалды. Ал шілденің шіліңгір ыстығында жаңбыр жаумай, қуаңшылық жайлады. Әсіресе, Бөкей ордасы, Жаңақала, Жәнібек аудандарында жағдай қиын.
Ордалық Саян Баетов қысқа қажет мал азығының тек үштен бірін жинаған. Қырда қылтанақтай көк жоқ. Малы көтерем. Сондықтан да қазірден бастап жем беруге көшкен.
Саян Баетов, шаруа:
Шабындықтан мың рулон жинап тұратын едік. Биыл техниканы жаңартқанның өзінде бар жинағанымыз 100 рулон. Әрі қарай шауып, ештеңе бітіре алмадық. Шөп жоқ. Көк тақыр. Өткен жылдан қалған 500 рулон бар.
Негізі құмда алты ай қыс болмайды. Жүз күндей ғана қар жатады. Шаруалар соның өзіне дайын емеспіз дейді.
Сағындық Сәрсенов, шаруа:
Шөп шығыны өте нашар. Жылда 3 мың рулон жинайтын едік. Үкімет енді мүмкіндік болса, қыс болмай тұрып көмектескені жақсы
Ал Жаңақала ауданындағы кей шаруалар мал азығын 200-300 шақырым жердегі Қызылоба ауылынан тасуға мәжбүр. Биыл бұл жаққа су жақсы келіп, шөбі шүйгін шықты. Шаруалар 50/50 есебімен шауып, тиеп әкетіп жатыр.Биыл облыс бойынша қыстаққа кіретін малға 2 млннан астам тонна шөп әзірлеу қажет. Қазір соның тек 72 пайызы жиналған.
Наурызбай Қарағойшин, облыстық ауыл шаруашылығы басқармасының басшысы:
Оңтүстік аудандарда табиғи шөптің өнімділігі әлдеқайда төмен. Көңілге медеу болатыны – өткен жылғы қыстың жайлы өтуіне байланысты мал азығының көп мөлшерде қалып, алдағы қыстақтан алып шығатын жоспар бар
Жәнібек ауданында қажет мал азығының тек 39 пайызы жиналған. Шаруалардың оны жүздеген шақырым жерден тасып, сатып алудан басқа амалы жоқ.
Ардақ Мұратқызы,
«qazaqstan.tv»
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
