Кіру«Зенит» қайтадан кеме құрастырады
Ақ Жайық өңіріне жұмыс сапарымен «Ақжол» демократиялық партиясының төрағасы, ҚР Парламенті Мәжілісінің депутаты Азат Перуашев және Парламент сенатының депутаттары Болат Өтебаев пен Берік Дүйсембинов жұмыс сапармен келді. Халық қалаулылары өндіріс орындарын аралап, кәсіпкерлермен кездесті. Депутаттар алдымен «Орал «Зенит» зауыты» АҚ-ға барды. Зауыттың цехтарын аралап, құрастырылып жатқан кемелердің жай-жапсарымен танысқан Азат Перуашев жұмысшылармен жүздесті.
Қазір өндіріс ошағында алғаш рет су арқылы мұнай тасымалы мен кен өндірісі өнімдерін экспорттауға арналған алпауыт су көлігі мен жағалау күзетіне арналған катер құрастыруда. Бұл жұмысқа барлығы 750 еңбек қолы тартылған. Өткен жылы мемлекеттік тапсырыстың болмауына байланысты елімізге танымал «Зенит» зауытының өнімі пайдалануға берілмей қалған еді. Бүгінде кеме құрастыру басты брендіне айналған зауытта ел шекарасын күзетуге қажетті жүрдек катерлер, сыйымдылығы жоғары корабльдер құрастырылады. «Зениттіктер» күні бүгінге дейін 34 кеме мен катерді пайдалануға берді.
Зауыт жұмысшыларымен кездесуде ҚР Парламенті Мәжілісінің депутаты Азат Перуашев кәсіпорын жұмысшыларын толғандырған мәселелерге ден қойды. Оның ішінде инфляция мен ұлттық валюта бағамының тұрақсыздығы туралы мәселенің ел көлемінде көтеріліп келе жатқанын мәлімдеді. – Қазіргі уақытта кәсіпкерлерді қолдау өте өзекті. Оның ішінде осындай ірі кәсіпорындарды сақтап қалу үшін мемлекеттің жылы көзқарасы керек. Өздеріңізге белгілі бұл ірі өндіріс ошағы тек елімізге ғана емес, әлемге танымал зауыт. Яғни «Зенит» – тарихы терең, елімізге танымал кәсіпорын.Талай қиындықты жеңіп, дағдарысты еңсерген зауыт бүгінде бірегей кәсіпорынға айналды. Ең бастысы, білімді де білікті кадрларды сақтап қалды. Тіпті дүниежүзілік пандемея кезінде де Ресейдегі санкцияға қарамастан шетелдік әріптестермен байланысты үзбеді. Мен мұнда бірнеше мәрте келдім. Келген сайын кәсіпорын жұмыс барысын өзгертіп, бірқатар саланы меңгеріп, кеме жасап қана қоймай, өзге де бағытта елге қызмет ете алатынын дәлелдеді. Уақыт өте түрлі мәселенің туындайтыны сөзсіз. Бұл жолы мемлекеттік салып алуға қатысты, яғни зауытты тапсырыстармен қамту мәселесі айтылды. Сонымен қатар, қажет материалдарды сатып алу да өзекті. Мен ісі алға басқан мұндай кәсіпорынға мемлекет тарапынан жүйелі қолдау көрсетілуі керек деп есептеймін, –деді ҚР Парламенті мәжілісінің депутаты Азат Тұрлыбекұлы.
Бас директордың бірінші орынбасары Алексей Солодовниковтың айтуынша, келесі жылы көктемде «Айбар» № 3 шекаралық патрульдік кемесі, яғни 35-ші кеме суға жіберіледі. Жалпы бір жыл ішінде өндіріс ошағында үш кеме жасауға мүмкіндік бар.
Соғыс жылдарында бұл зауытта жарылғыш заттардың 20-дан астам түрі жасалған. Солардың арасында жауға қарсы қолданылған зәкірлі минаның жөні бөлек. Торпедолық жою құралдарының көмегімен жаудың бес мыңнан астам жүзу құралының көзі құртылған. Ал тәуелсіздік алған осы жылдар ішінде кәсіпорында 30-дан аса су көлігі құрастырылса, өткен жылы кеме жинау жұмысы мүлдем орындалған жоқ. Алайда, зауыттың 700-ден аса қызметкерін сақтап қалу мақсатында ірі өндіріс ошағы мұнай өңдеу саласымен айналысушы кәсіпорындарға қажетті құбыр түрлерін шығару және жеткізумен шұғылдануды қолға алды. Енді бұл мәселе шешімін тапқандай.
Айнара ИСА
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу