КіруДарынды оқушылармен кездесті
«Балалар жылы» аясында бүгін, 23 мамыр күні Орал қаласының әкімі Миржан Сатқанов Орал қаласындағы дарынды шәкірттерді қабылдады. Оқушылар мен жетекші ұстаздарын оқу жылы аясында жеткен жетістіктерімен құттықтап, алғыс хат табыс етті.
Биылғы оқу жылын қалалық білім беру ұйымдары табысты аяқтауда. Оқу жылы аясында ұйымдастырылатын барлық байқаулардың ішінде бәсі биік білім додасы – жалпы білім беретін пәндер бойынша өтетін олимпиаданың облыстық кезеңінің қорытындысында қала командасы – жүлделі бірінші орынды иеленсе, республикалық қортынды кезеңге қатысқан 27 оқушының 12-сі жүлдегер атанды. Олардың біреуі – алтын, төртеуі – күміс, жетеуі – қола жүлден иеленді.
Кездесуге олимпиаданың төрт кезеңдік сынынан сүрінбей өткен жүйріктер мен оларды табысқа жетелеген ұстаздар қатысты.
– Оқушыларымыздың республикалық деңгейде жетістікке жеткені бәрімізді қуантады. Осы деңгейге жету үшін сіздер тынбай ізденіп, табандылық таныттыңыздар. Бұл жетістік – сіздердің адал еңбегіңіздің нәтижесі. Осы жолда сіздерге бағыт-бағдар берген ұстаздарыңызбен, әр кез қолдау танытып бар жағдайды жасаған ата-аналарыңызға алғыс айтамыз. Қала мектептеріндегі білім беру үрдісі дұрыс жолға қойылған. Осы бағытта жұмысымызды жалғастырып, балаларымыздың биік белестерден көріне беретініне сенемін, – деді алғыс білдірді М.Сатқанов.
«Білекті бірді, білімді мыңды жығады» ұстанымындағы дарындар кездесу барысында шығарамашылық байқаулардағы жетістіктері, зерттеушілік жұмыстарға қызығушылықтары туралы бөлісті. Болашақта еліміздің бәсекеге қабілетті жастары қатарын толықтырып, адал қызмет ететіндеріне сендірді. Сонымен қатар «Балалар жылында» дарынды оқушыларға көңіл бөлгені үшін қала әкімі Миржан Мұнайдарұлына алғыстарын жеткізді.
Ұстаздар атынан Жеңіс Хамзин, Татьяна Никифорова олимпиаданың әр кезеңі «бір қатысушы – бір компьютер – бір камера» қағидасымен жоғары деңгейде ұйымдастырылғанын, соның нәтижесінде ең дарынды, талапты ұландар озып, қала мерейін, облыс намасын абыроймен алып шыққанын атап өтті.
Кездесуде дарынды оқушылар мен жетекші мұғалімдеріне қала әкімінің атынан алғыс хаттар табысталады. Оқушыларға сый ұсынылып, ұстаздарына 50 мың теңге сертификат берілді.
Эльмира Асхатқызы,
Қалалық білім беру бөлімінің баспасөз хатшысы
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу