Кіру06 Мамыр 2022 2668 0
ҚоғамАРДАГЕРЛЕРГЕ ҚҰРМЕТ КӨРСЕТІЛДІ
Бүгін Жұмыспен қамту және әлеуметтік бағдарламалар бөлімі басшысының міндетін атқарушы Алтынғаным Байгутова және Зейнеткерлер мен мүгедектерге әлеуметтік қызмет көрсету аумақтық орталығының директоры Абзал Молдагалиев Ұлы Отан соғысының ардагерлері Александр Кирпичев пен Анастасия Чегнахаеваны Ұлы Жеңіс күні қарсаңында құттықтап барды.
2012 жылдан бері мекемеден арнаулы әлеуметтік қызмет алатын ардагерлерге жүрекжарды лебіздерін білдіріп, мерекелік себет тарту етті.
98 жастағы Александр Федосеевич соғыс жылдары армия қатарына алынып, қанды шайқаста ерлігімен көзге түсіп «Қызыл жұлдыз», «Отан соғысы ардагері» орденімен, «Варшаваны азат еткені үшін», «Берлин қамалын алғаны үшін» медальдарымен марапатталды.
Ал бір ғасыр ғұмыр кешкен Анастасия Федоровна 1942 жылы соғысқа аттанып, Қиыр Шығыста 34-ші дивизияның ауыр бомбалаушы ұшағында қызмет еткен. Кеудесінде Дүниежүзілік соғыстың ІІ дәрежелі ордені мен «Жапониямен соғыста жеңіске жеткені үшін» медалі жарқырап тұр.
Бүгінде қатары сиреген ардагерлер – қашан да асыл қазынамыз. Оларды құрметтеп, дәріптеу, жас ұрпаққа насихаттау – бізге міндет. Оларға әрдайым қол ұшын созу – азаматтық парызымыз, – деген сала қызметкерлері ҰОС ардагерлеріне жеміс-жидек себетін ұсынғаны үшін «Рахмет 2» супермаркетіне, әдемі гүл шоқтары үшін «Гүл Ханым» қожайыны Райгүл Даржимановнаға және «Айзат», «Гала» мейрамханаларының басшылары Нұргүл Қажмұхамбетова мен Ернар Шамұратовқа шын ниетпен алғыс айтты.
Соңғы жаңалықтар
Қалалықтар қаперіне
Құқық бұзушылыққа жол бермейтін Telegram чат боты іске қосылды
11 Қазан 2024
3514 0
Пікір үстеу