КіруАпталыққа атсалысайық!
Батыс Қазақстан облысы әкімдігі жастар саясаты мәселелері басқармасының «Жастармен жұмыс жөніндегі ресурстық орталығы» КММ-сі 18-22 сәуір аралығын «Ұлттық құндылықтар апталығы» деп жариялады.
Жас ұрпақты ұлттық игіліктер мен адами құндылықтар, рухани-мәдени мұралар сабақтастығын сақтай отырып тәрбиелеу бүгінгі күннің маңызды мәселесі. Осы орайда БҚО жастармен жұмыс жөніндегі ресурстық орталығы қала тұрғындарына мерекелік көңіл-күй сыйлау үшін 18-22 сәуір аралығын «Ұлттық құндылықтар апталығы» деп жоспарлаған еді. Апталықтың мақсаты қала тұрғындарына салт-дәстүрлер мен әдеп-ғұрыптар, ұлттық спорт түрлерін дәріптеу және мерекелік ән-шашу сыйлау. Айталық, жасыл тынымбақта облыс тұрғындары арасында асық ату, арқан тартыс сынды ұлттық ойындардан жарыс және мерекелік ән шашу кеші өтсе, 19 сәуір күні Н. Островский атындағы орыс драма театры алдында гір көтеру, қол күресі ұлттық ойындары болды. «Gracia» шығармашылық шеберханасының қатысуымен көрме өтті.
Бүгін, 20 сәуір күні 16.00де «Рухани жаңғыру» музейінде тақия тігу, құрақ құраудан шеберлік сағаты болады. 21-22 сәуір күндері қала тұрғындарына мерекелік көңіл–күй сыйлаймыз. Сонымен қатар сауда үйлерінде, супермаркет, базарларда, саябақтарда қала тұрғындарына салт-дәстүр бойынша сұрақ қоямыз. Салт-дәстүрімізді жаңдандыру мақсатында шаралар өткіземіз.
Гүлнұр ТАЛҒАТҚЫЗЫ,
БҚО жастармен жұмыс жөніндегі жастар ресурстық орталығының ақпараттық бөлім басшысы
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу