КіруОҚУШЫЛАРДЫҢ ДЕНСАУЛЫҒЫН ОЙЛАҒАН МЕКТЕП
Орал қаласының №50 жалпы орта білім беретін мектебі қаланың Сарытау шағын ауданында орналасқан. 2018 жылдың желтоқсан айынан ашылған осы білім ұясында қазір 1300-ден астам оқушы білім алып, тәрбиеленуде.
Мектепте 122 педагог еңбек етеді. Оқушылардың сапалы білім, саналы тәрбие алуына толық мүмкіндік жасалған. Мектеп ғимаратында үйірмелер мен түрлі спорттық секциялар, ауласында балалар ойнайтын орындар мен қыста мұз айдыны жасақталған. №50 ЖОББМ-і сол шағын ауданның тұрғындары үшін білім мен тәрбие ошағы ретінде көптеген шараларды өткізуге мұрындық болып, ата-аналармен тығыз байланыста жұмыс жасап келе жатқан үлкен ұжым. Мектебімізде қазіргі заманға сай жабдықталған асхана жұмыс жасайды. Онда оқушыларға арнайы бекітілген ас мәзірі бойынша ыстық тамақ беріледі. Биылғы 2021-2022 оқу жылында мектептің 1-4 сыныптары бойынша 600-ден астам оқушы ыстық тамақпен қамтылған. Соның ішінде 1-11сынып оқушылары арасында жеке санаттағы 46 оқушы, бір оқушы демеушілік арқылы ыстық тамақпен тамақтандырылып отыр.
Мен осы мектептің жанындағы қамқоршылық кеңесінің төрайымы ретінде мектеппен тығыз байланыста жұмыстанып келемін. Осы қызметімді атқару барысында асханадағы оқушылардың тамақ сапасы мен өлшемге сәйкестілігін, тазалығын үнемі назарда ұстап отырамын. Балалар біздің болашағымыз. Сондықтан жас ұрпақтың денінің сау, білімді азамат болып қалыптасуына жағдай жасау біздің басты міндетіміз деп есептеймін. Білім ошағының қамқоршылық кеңесінің мүшелері және ата-аналар комитеті бірлесе отырып, белгіленген уақытта ыстық тамақтың берілу жағдайын қарап, ұсыныстарымызды ортаға саламыз. Ал, мектеп әкімшілігі мен медбике тарапынанда оқушылардың тамақтану барысы күн сайын жіті бақылауға алынғандықтан, мектептің асханасы мен тамақ сапасы қашан барсаңда жоғары талапқа сай. Оқушылардың да көңіл-күйі көтеріңкі. Осының бәріне ата-аналармен бірге куә болып келеміз. Бұл бағыттағы жұмысымызда оқушылардың пікірлерін сұрап, ата-аналардың ризашылығын естіп жүрміз.
Осы мектеп ұжымының жұмысына, білім мен тәрбиені алға қойып, ілгері дамығанына өте қуаныштымыз. Еліміздің ертеңі балаларымыз үшін жасап жатырған барлық қызметтеріне толағай табыс тілейміз. Шәкірттеріңіз Тәуелсіз Қазақстанымыздың дамуына үлесін қосатын білімді де, білікті болып, мектептеріңіздің есімін асқақтата беруіне шын жүректен тілектеспіз.
М. КУЛЬШУРИНА,
№50 ЖОББМ қамқоршылық кеңесінің төрайымы
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу