ЖАҢАРТЫЛҒАН ҚОҒАМДЫҚ КЕҢЕС ЖҰМЫСЫНА КІРІСТІ

Қоғамдық кеңес – халық бен билік арасынын жалғап, қоғамдық маңызы бар мәселелер бойынша пікірін білдіре алатын ұйым. Яғни, кез келген тұрғын өзекті мәселенің шешімін табу үшін қоғамдық кеңестің көмегіне жүгіне алады.

Орал қаласының қоғамдық кеңесінің мүшелерін сайлау бойынша конкурстың басталғаны хабарланғаннан кейін он жұмыс күні ішінде 50 кандидат құжат тапсырған. Бұдан кейін әрбір кандидатпен жеке әңгімелесу өткізіп, ашық дауыс беру жүргізілген. Дауыс беру қорытындысы бойынша 21 кандитат Орал қаласының қоғамдық кеңесінің мүшелері болып сайланды. Олардың 3-і – мемлекеттік органдардың өкілдері, 18-і – коммерциялық емес ұйымдардың өкілдері мен азаматтар. Қоғамдық кеңеске экология, цифрландыру саласының мамандары, БАҚ өкілдері, Қазақстан халқы Ассамблеясының ұйымының мүшелері, жергілікті өзін-өзі басқаруды дамыту мен жол қауіпсіздігі саласын қамтамасыз ету бағытындағы қорлардың өкілдері мүше болды. Сондай-ақ бұл қатарда мүмкіндігі шектеулі жандардың қоғамдық ұйымдарының өкілдері, партиялардың мүшелері, азаматтық қоғам белсенділері, жастар ұйымдарының мүшелері, бизнес-тренерлер және блогерлер бар.

Қоғамдық кеңестің құрамында әр саланың мәселелерін қарастыратын 4 комиссия бар. Олардың алғашқысы әлеуметтік мәселелер және жастар ісі жөніндегі сұрақтарды, екіншісі бюждеттік және экономикалық сұрақтарды, үшіншісі индустриалдық даму, инфрақұрылым және тұрғын үй-коммуналдық мәселелері және төртіншісі нормативтік-құқықтық мәселелер және жұртшылықпен байланыс жөніндегі сұрақтарды қарастырады.

Қоғамдық кеңестің төрағасы болып қоғам қайраткері, меценат Бақытжан Нұрбаев сайланды.

Ақарыс Әйіптегі

Версия для печати