Кіру22 Ақпан 2022 2140 0
ҚоғамБҚО-ДА ЕРЕСЕКТЕРГЕ АРНАЛҒАН ҚАЗАҚ ЖӘНЕ АҒЫЛШЫН ТІЛДЕРІН ТЕГІН ОҚЫТУ КУРСЫНА ҚАБЫЛДАУ ЖҮРУДЕ
Қазіргі таңда Батыс Қазақстан облыстық тілдерді дамыту басқармасы ересектерге арналған қазақ және ағылшын тілдерін тегін оқыту курсына қабылдау жүргізуде. Бұл туралы бүгін Өңірлік коммуникациялар қызметінде өткен брифингте Батыс Қазақстан облыстық тілдерді дамыту басқармасының басшысы Ерлан Галиев айтты. Қабылдау наурыз айының соңына дейін жүргізіледі.
Аталмыш курстарға 18-ге толған тілді меңгеруге ниет білдірген облыс тұрғындары қатыса алады. Тегін курсқа жазылу үшін Орал қаласы, Хамид Чурин көшесі, 116-үйде орналасқан облыстық тілдерді дамыту басқармасына өтінім қалдыру қажет.
Қосымша анықтамалық ақпарат алу үшін 87112 506426, 87112 500617 телефон нөмірлеріне хабарласуға болады.
«Қазақ тілінің этносаралық қарым-қатынас тілі ретіндегі қызметін нығайту, мемлекеттік тілді меңгерген белсенді өзге ұлт жастарын ынталандыру мақсатында былтырғы жылы «Мемлекеттік тіл – тәуелсіздік символы», «Менің Отаным – Қазақ Елі» және «Мақал – сөздің мәйегі» байқаулары, «Тілге құрмет – елге құрмет» челленджі, «Мен қазақша сөйлеймін» акциясы ұйымдастырылып, 500-ден астам өзге этнос өкілдері қамтылды. Биыл да осындай шаралар жалғасын табатын болады»,- деді басқарма басшысы.
БҚО Өңірлік коммуникациялар қызметі
Соңғы жаңалықтар
Қалалықтар қаперіне
Құқық бұзушылыққа жол бермейтін Telegram чат боты іске қосылды
11 Қазан 2024
3538 0
Пікір үстеу