Кіру«ОРАЛДАҒЫ МӘДЕНИЕТ ОРТАЛЫҒЫНДА ӨРТ ШЫҚТЫ»
Қадыр Мырза Әлі атындағы мәдениет және өнер орталығында өрт-тактикалық жаттығулары өтті.
Батыс Қазақстан облысы Төтенше жағдайлар департаментінің Өрт сөндіру және авариялық-құтқару жұмыстары қызметінің мемлекеттік тіл және ақпарат тобының қызметкері Арайлым Ғанидің хабарлауынша, жаттығуды өткізудің мақсаты – адамдар жаппай келетін нысандағы өрт сөндіру бойынша іс-әрекетті пысықтау. Бұл жеке құрам үшін жаңа болмаса да жүйелі түрде жаттығуды талап етеді. Екіншіден, эвакуациялау жоспарларына сәйкес ғимараттан адамдарды шығаруды ұйымдастыру.
Оқу-жаттығу шарты бойынша жертөле қабатындағы баспасөз-конференциясы залында өрт шықты. Сондай-ақ орын-жайда келушілер көп болып ғимараттан шығып үлгермеген зардап шегуші де болады. Алғашқы өрт сөндіру бөлімшесі келгенге дейін кәсіпорын қызметкерлері 22 адамды эвакуациялады. Бірнеше минуттардан соң нысан орналасқан шығу ауданындағы шартты өрт орнына бірінші бөлімі келіп, келісімен зардап шегушілерді құтқаруға кірісті. Өрт сөндіру қызметінің қызметкерлері 6 адамды құтқарды. Бұдан кейін оқу-жаттығу орнына өртке қарсы қызметтің басқа бөлімшелері, жедел жәрдем, газ қызметі және жергілікті полиция қызметі жетті. Өрт-тактикалық оқу-жаттығуына 13 бірлік техникалар жұмылдырылды.
– Шартты өрттегі жұмыс үш бағыт бойынша ұйымдастырылды. Бөлмелердегі адамдардың бар-жоғына тексеріс жүргізу, өртті сөндіруді ұйымдастыру, жапсарлас бөлмелерді қорғауға оқпан берілді. Оқу-жаттығу барысында өртке қарсы қызмет бөлімшелерінің объект әкімшілігімен және Орал қаласының тіршілікті қамтамасыз ету қызметтерімен өзара іс-қимылы пысықталды. Әр нысанның өз архитектуралық және құрылыстық ерекшеліктері бар. Сондықтан өрт пен тактикалық жаттығуларды жүргізу кезінде, әсіресе, адамдар жаппай келетін нысандарда өрт сөндірушілер ғимараттың әр бұрышын, негізгі және төтенше шығу орындарының орналасуын, нысан аумағына өрт гидранттарын орналастыруды және тағы басқаларды алдын ала және мұқият тексеруі қажет, – дейді Арайлым Ғани.
«ЖАЙЫҚ ҮНІ»
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу