КіруТӘУЕЛСІЗДІК ЖЫЛДАРЫ ОРАЛДА 19 МЕКТЕП АШЫЛДЫ
Бұл туралы бүгін, 30 қараша күні өңірлік коммуникациялар қызметі ұйымдастырған «Тәуелсіздік жылдарындағы шаһардың әлеуметтік-экономикалық дамуы» тақырыбындағы брифингте Орал қаласы әкімі Абат Шыныбеков баяндады.
Тәуелсіздік алған 30 жылдың ішінде Оралда 19 мектеп, 26 мемлекеттік балабақша, 4 қосымша білім беру ұйымы ашылды. Қазіргі уақытта қаламызда 59 күндізгі мектеп, 50 мемлекеттік балабақша бар және 84 жеке балабақша мемлекеттік тапсырыс негізінде жұмыс жасауда.
– 1986 жылы қазақ рухының қыраны Жұбан Молдағалиев қазақ мектептерінің аздығын айтқан болатын. Шынында сол жылдары қаламызда қазақ мектептерінің саны не бары 3 пайызды құрады. Ал бүгінгі күні Оралда қазақ тілінде білім беретін мектептер саны 87 пайызды құрайды. Яғни, қаладағы 58 мектептің 27-сі – қазақ тілінде, 7-і – орыс тілінде оқытады, ал қалған 24-і – аралас мектептер. 1991 жылы 31 мың оқушы болған болса, бүгінде қала мектептерінде 59 319 (0-11 сынып) оқушы білім алуда. 16 мыңдай бүлдіршін мектепке дейінгі тәрбиемен қамтылған, – деді Абат Абайұлы.
Жуырда Орал қаласында тағы екі мектеп тапсырылады деп күтілуде.
Елмұра АСХАТҚЫЗЫ,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу