КіруОРАЛ ҚАЛАСЫ ӘКІМДІГІ АУЛАЛАРДЫ АБАТТАНДЫРУ БОЙЫНША ӨТІНІМДЕР ҚАБЫЛДАЙДЫ
Орал қаласы әкімдігі «Халық қатысатын бюджет» бағдарламасы бойынша қала тұрғындарынан аулаларды абаттандыруға өтінімдер қабылдайтын болады.
Оралда биыл»Халық қатысатын бюджет» аясында 37 аула абаттандырылды. Бұл жоба қала тұрғындарының бастамасына бағытталған – олар өз аулаларынан не көргісі келетінін және балаларымен, егде ата-аналарымен бірге бос уақытын қайда өткізгісі келетіндігі туралы үлгі жоспарды қоса отырып, әкімдікке аулаларды абаттандыруға өтінім береді.
Қала әкімдігі алдағы жылға 31 ауланы абаттандыруды жоспарлап отыр. Соған сәйкес өтінімдер күтіледі.
«Қазіргі уақытта үй маңындағы аумақтарды таңдау кезінде басшылыққа алатын басты қағидат – бұл тұрғындардың аулаларын абаттандыру жобаларын жасау процесіне қатысуы. Яғни, аулаларының жаңартудан өткенін қалайтын тұрғындар өздері бағдарламаға қатысуға ықылас танытып, өтініш берулері керек» – деп хабарлады қала әкімдігі.
Кешенді абаттандыру жұмыстарына өтініш uralsk.smartmap.kz геоақпараттық порталында жүргізілуде. Қала әкімдігі өтінімдер қабылдау уақыты қосымша хабарланатынын жеткізді.
Айта кетейік, «Халық қатысатын бюджет» қағидаты бойынша аула аумақтарын кешенді абаттандыру 2020 жылы іске қосылған болатын. Бұл – қала тұрғындарының өздерінің бюджет ақшасын қалай жұмсайтынына бірлесе таңдау құқығын береді.
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу