КіруОРАЛ ҚАЛАСЫ ӘКІМДІГІНІҢ КЕЙБІР БӨЛІМДЕРІ «OPEN SPACE» ФОРМАТЫНА КӨШІРІЛЕДІ
Бұл туралы 18 қарашада қала әкімдігінде өткен Сыбайлас жемқорлыққа қарсы іс-қимыл мәселелері жөніндегі комиссияның кезекті отырысында айтылды.
Қала әкімі Абат Шыныбековтың төрағалығымен өткен комиссияның бас қосуыныа «Ақжайық – адалдық алаңы» жобалық кеңсесінің БҚО бойынша басшысы Әлия Салиева қатысты.
Әлия Өтемісқызы өңіріміздегі мемлекеттік органдардың сыбайлас жемқорлыққа қарсы іс-қимыл жағдайы туралы ақпараттандырып, алдағы уақытта бірлескен жобаларды іске асыру қажеттігін атап өтті.
Сонымен қатар жиында бекітілген күн тәртібіне сәйкес қаладағы кент және селолық округтерінің әкімдері мен бөлім басшыларының сыбайлас жемқорлыққа қарсы күрес мәселесі бойынша атқарылып жатқан жұмыстарының есебі тыңдалды.
Шаһар басшысы атқарылып жатқан әр істе ашықтық пен қолжетімділік қатар жүруін, сыбайлас жемқорлықтың алдын-алу мақсатында әр кент пен бөлімдерде профилактикалық шаралар жүргізу қажеттігін баса айтты. Сондай-ақ, құжаттармен жұмыс істеуді жеңілдету, ең бастысы азаматтардың мәселелерін тез әрі жедел шешу жолдарын қамтамасыз ету, қызметтерді көрсету кезінде ашықтықты сақтау мақсатында қажетті бөлімдерді «Open Space» форматына көшіруді ұсынды.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу