Кіру30 ЖҰЛДЫЗДЫ КҮН – ОРАЛДА ТӘУЕЛСІЗДІК ҚҰНДЫЛЫҚТАРЫН ҰЛЫҚТАУҒА АРНАЛҒАН ШАРАЛАР БАСТАУ АЛДЫ
ҚР Тәуелсіздігінің 30 жылдығына орай Орал қаласында «30 жұлдызды күн» айлығы басталды. Жұлдызды күндер аясында ел тәуелсіздгінің құндылығын ұлықтайтын шаралар өткізілмек.
Мерекеге арналған алғашқы іс-шара тәуелсіздігіміздің басты нышаны мемлекеттік рәміздерді ұлықтауға арналды. «Мемлекеттік рәміздер – ұлттық мақтанышымыз» деген атаумен өткен салтанатты шараға қала әкімінің орынбасары Мирболат Нұржанов қатысып, айлыққа бастау берді.
– Баршамызға белгілі, биыл – ұлық мерекеміз Тәуелсіздіктің 30 жылдығы. Осыған орай Орал қаласында бір ай көлемінде «30 жұлдызды күн» атты іс-шаралар ұйымдастырылатын болады. Отыз күн ішінде спорттық, мәдени, мерекелік,ұлттық спортты дамытуға арналған шаралар өткізіледі. Сондай-ақ жоспарға сәйкес Тәуелсіздік мерекесі қарсаңында жаңа әлеуметтік нысандар ашылатын болады. Өткізілетін шаралар аясында әр сала бойынша барлық жастағы адамдар қамтылатын болады. Басты мақсатымыз – ұрпақтар сабақтастығын үзбей, дәстүр жалғастығын дамыту, – деді Орал қаласы әкімінің орынбасары Мирболат Сағынғалиұлы.
Салтанатты кеште патриоттық әндер шырқалып, көрермендер арасында мемлекеттік рәміздерге қатысты викториналық сұрақтар ойнатылды. Кеш Қадыр Мырза Әлінің сөзіне жазылған Ескендір Хасанғалиевтің «Атамекен» әнімен түйінделді.
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу