МӘМС-ҒА ЖАРНА ТӨЛЕУ КЕЗІНДЕ ҚАТЕЛІК ЖІБЕРДІҢІЗ НЕМЕСЕ ДҰРЫС СОМА ЕНГІЗБЕДІҢІЗ БЕ?

Егер Сіз МӘМС арқылы төлемді дұрыс жүргізбеген болсаңыз, артық сома енгізсеңіз, ЖСН-ді қате енгізсеңіз немесе қате кезеңді көрсетсеңіз, онда уайымдамаңыз, заңнама бұл қаражатты қайтаруға мүмкіндік береді. Бұл туралы «Әлеуметтік медициналық сақтандыру қоры» КеАҚ Батыс Қазақстан облысы бойынша филиалының директоры Нұржамал Жұмағұлова түсінік берді.

Ол үшін қаражатты қайтару себебін көрсете отырып, «Азаматтарға арналған үкімет «мемлекеттік корпорациясы» КЕАҚ-ға өтініш жазу және төлемді растайтын құжаттарды қоса беру қажет. Бұл стандартты нысанда берілген растау анықтамасы немесе төлем құжатының көшірмесі болуы мүмкін.

Мемлекеттік корпорацияның мекенжайын https://gov4c.kz/ сайтынан табуға болады.

Өтінішті қарау 15 жұмыс күнінен аспайды. Ақша төлем жасалған тәсілмен қайтарылатын болады.

Қандай жағдайларда сізге ақшаны қайтарудан бас тартылуы мүмкін?

егер өтініште банктің деректемелері дұрыс көрсетілмеген болса;
егер өтініш ҚР ДСМ 2017 жылғы 30 маусымдағы № 478 бұйрығына 1-қосымша нысаны бойынша жазылмаса;
егер өтініште қайтарудың себебі дұрыс көрсетілмесе;
егер өтінішке толық құжаттар пакеті қоса берілмесе;
егер ақшаны қайтаруға негіз болмаса;
егер мемлекеттік органдардың ақпараттық жүйелерінен растау болмаса.

Мысалы, қайтару уақытша тоқтатылған немесе жойылған ЖК-ға ресімделеді, ал ақпараттық жүйеден ЖК әрекет ететіндігі туралы деректер келеді;

егер қайтаруды шетелдік азамат немесе ҚР аумағында уақытша болатын оның отбасы мүшесі ресімдесе.

Қандай жағдайларда ақша кері қайтарылады?

егер қаражат шынымен қате жіберілген болса;
егер бұл қызметкерлер үшін артық есептелген төлемдер болса;

егер жарналарды немесе аударымдарды төлеу кезінде төлем мақсатының коды дұрыс көрсетілмесе;

егер МТ 102 төлем тапсырмасы форматында қате жіберілсе;
егер төлеушінің деректемелері дұрыс көрсетілмесе;
егер төлеуші немесе банк қаражатты екі немесе одан да көп рет аударған болса.

Міндетті медициналық сақтандыру үшін өзіңіздің соңғы төлеміңіздің сомасы мен күнін телеграмдағы Saqtandyrýbot, 24/7 Qoldau мобильді қосымшасы арқылы электрондық цифрлық қолтаңба болған кезде немесе бір реттік пароль бойынша, egov. kz е-үкімет порталындағы жеке кабинеттен тексеруге болады.

«Әлеуметтік медициналық сақтандыру қоры»

КеАҚ Батыс Қазақстан облысы бойынша филиалы

Версия для печати