КіруОРАЛДА 10 ТҰРҒЫН ҮЙДІҢ ШАТЫРЫ ЖАҢАРТЫЛЫП, 5 ҮЙДІҢ ЖЕДЕЛСАТЫСЫ АУЫСТЫРЫЛДЫ
Тұрғын үй-коммуналдық шаруашылығын жаңғырту бағдарламасы аясында биыл 15 үйде жаңғырту жұмыстарын жүргізу үшін 267 млн. теңге бөлінді. 10 үйдің шатыры жаңғыртылса, 5 үйдегі жеделсатыны ауыстыру көзделген болатын.
Бірнеше жылдан бері көпқабатты тұрғын үйлердің тозығы жеткен шатыры мен сынған жедел сатысын алмастыруда, кірберістерді жөндеуде «Тұрғын үй-коммуналдық шаруашылығын жаңғырту» бағдарламасына деген сұраныс артып келеді. Бағдарлама арқылы жөндеуден өтіп жатқан үйлердің бірі – Гагарин көшесі, 36/2-үй. Бес қабатты тұрғын үй өткен ғасырдың 70 жылдарында салынған екен. Уақыт өте төбесі тозған. Ал енді мемлекеттік бағдарлама арқылы жаңарған қалыпқа келтірілуде. Мердігері – «ГНРМАШ» ЖШС
Компания басшысы Талғат Еділбаев жұмыстардың жобаға сай атқарылып жатқанын жеткізді.
– Жөндеу жұмыстары басында 18 адам еңбек етуде. Желдету шахтасында жөндеу жүргізілді, профилист құрастырылымын орнату үшін бекіту жұмыстары жасалды. Төбе аумағы 2000 шаршы метрді құрайды. Қазіргі уақытта жұмыстардың 90 пайызы аяқталды. Осы айдың соңына дейін тапсыратын боламыз, – деді Талғат Еділбаев.
Жуков көшесі, 15/2 мекенжайындағы 9 қабатты тұрғын үйде жаңа жеделсаты жұмыс жасап тұр. Бұл да тұрғын-үй коммуналдық шаруашылығын жаңғырту бағдарламасы арқылы жүзеге асырылған жұмыстардың нәтижесі. Биыл бес үйдегі жеделсаты ауыстырылған. Құрылыс-монтаждау жұмыстарын «Әліби Лифт» жүзеге асырды. Жеделсатылар Беларуссиядан жеткізілген. Шығарушы зауыт тарапынан 1 жылдық кепілдік бар және құрылыс-монтаждаушы компания 3 жыл кепілдік береді. Тапсырыс берушілердің есебінше, бір ғана жеделсатының құрылыс-монтажына 13 млн. теңгедей жұмсалады. Тұрғындар осы қаржыны 8 жыл ішінде ай сайын 6 мың теңгеден төлеп тұратын болады.
Тұрғын үй-коммуналдық шаруашылығын жаңғырту бағдарламасының өңірлік операторы – «Орал құрылыс жөндеу сервис» ЖШС бас инженері Қыдырғали Жорасов атап өткендей, бүгінде бағдарлама арқылы үйлерін жаңғыртудан өткізге ниеттілер көп.
– Тұрғындар өздері ұйымдасып, жиналыстар өткізіп, жасалатын жұмыстардың көлемін есептеп, өтініштерін береді. Соның негізінде жобалық-сметалық құжат жасақтаймыз. Сараптамадан өткіземіз. Келер жылы тағы 20 үйді жаңғыртудан өткізу жоспарлануда, – дейді Қыдырғали Жорасов.
Қаламызда 1246 көпқабатты тұрғын үй бар. 2011 жылдан басталған тұрғын-үй коммуналдық шаруашылығы бағдарламасы арқылы 127-сі жөндеуден өткен.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу