КіруБАШҚҰРТСТАНМЕН ЫНТЫМАҚТАСТЫҚ ОРНАДЫ
Қазақстан мен Башқұртстан сауда-экономикалық орталықтарын құрады. Уфа қаласында Башқұртстан Республикасының басшысы Радий Хабиров ҚР сауда және интеграция министрі Бақыт Сұлтанов пен Батыс Қазақстан облысының әкімі Ғали Есқалиевтің басшылығымен Қазақстан делегациясымен кездесті. Кездесуге қатысушылар «Еуразиялық экономикалық орталық» кешенді инвестициялық жобасының перспективаларын, екі елдің соның ішінде Башқұртстан мен Батыс Қазақстан облысы арасындағы екіжақты сауда-экономикалық байланыстарды одан әрі дамыту мәселелерін талқылады. Сондай-ақ, сапар барысында екі ел арасындағы ынтымақтастықты дамытудың 2022-2024 жылдарға арналған Жол картасына қол қойылды.
Оралдан Уфаға дейін 673 шақырым. Өңірлерді жол инфрақұрылымы мен Жайық өзені байланыстырады. Башқұртстанда газ өңдеу, машина құрастыру салалары қарқынды дамыған. Оралда кадрлық әлеует қуатты. Сондықтан аймақ басшысы Ғали Есқалиевтің айтуынша, осында өндіріс орындарын ашып, Қазақстанның мұнай-газ секторы нарығына жол тартуға болады. Бұған аймақтардың географиялық орналасуы мол мүмкіндік береді. Уфа қаласындағы Республика үйінде өткен маңызды кездесуде өңіраралық ынтымақтастықты дамыту мәселелері, өнеркәсіптік, мәдени-ғылыми және іскерлік байланыстарды арттыру жайы талқыланды.
Сапар барысында Қазақстан Республикасы делегациясы өкілдерінің Башқұртстан Республикасы компанияларымен кездесуі өтті. Облыс басшысы Ғ.Есқалиев Башқұртстан Республикасының индустрия, энергетика және инновация министрінің бірінші орынбасары және мұнай компанияларымен кездесті. Сондай-ақ Республика күніне арналған мерекелік шараға қатысты. 1990 жылдан бері жыл сайын Башқұрт елінде Республика күні тойланады. Өңір басшысы Ғали Есқалиев мерейлі мерекемен Ақ Жайық жұртшылығының атынан арнайы құттықтады.
Толығырақ «Жайық үні-Жизнь города» газетінің 14 қазандағы №40 санынан оқи аласыздар.
Гүлсара МАРАТ,
«Aqjaiyq» телеарнасының тілшісі
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу