Кіру14 СПОРТ ЖӘНЕ ОЙЫН АЛАҢЫ ПАЙДАЛАНУҒА БЕРІЛДІ
Бұл туралы Орал қаласының әкімі Абат Шыныбеков «Жайық үні-Жизнь города» газетіне «Қаламыздың даму жолында әр оралдықтың еңбегі зор!» тақырыбында берген сұхбатында айтты.
– Биыл қалада заманауи үлгідегі 20 спорттық және ойын алаңын салу жоспарланған болатын. Бүгінгі таңда оның 14-і пайдалануға берілді. Қалған алаңдардың құрылысы да жыл соңына дейін аяқталады. Сондай-ақ қыркүйек айында облыстық мамандандырылған олимпиада резервінің балалар-жасөспірімдер спорт мектебін және алдағы күндері аралас жекпе-жек академиясын ашу жоспарланған – деді Абат Шыныбеков.
Сонымен қатар қала басшысы биыл қалада жасөспірімдерге арналған ат спорты бөлімі ашылғанын атап өтті. Бөлімде ұлттық спорттың 4 түрінен – аударыспақ, көкпар, жамбы ату, теңге ілуден оқу-жаттығу жұмыстары жүргізілуде.
Қала бойынша биылдан бастап «Аула Фит» жобасы жүзеге асырылуда. Жобаның мақсаты – қала тұрғындарына тегін тренердің көмегімен күнделікті спортпен шұғылдануына көмектесу. Жоба бүгінде бұқаралық сипат алды, тұрғындардың белсенділігі жоғары.
Мира ШҮЙІНШӘЛИЕВА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу