КіруБІЛІМ ҰЙЫМДАРЫНДАҒЫ КАРАНТИНДІК ШЕКТЕУ ШАРАЛАРЫ
Коронавирус инфекциясына байланысты эпидемиологиялық жағдайды тұрақтандыру мақсатында БҚО-да бірқатар қатаң карантиндік шектеу шаралары қабылданды.
Түнгі және ойын клубтарының, барлардың, кальянның жұмысына, ойын-сауық, ұжымдық, отбасылық, естелік іс-шараларды өткізуге тыйым салумен қатар, 24 маусымнан бастап бірқатар қатаң карантиндік шектеу шаралары қабылданды. Жабық үй-жайларда да, ашық ауада да жәрмеңкелерді өткізуге тыйым салынды. «Ashyq» жобасына қатысқанына қарамастан, нысандарға демалыс күндерінің локдауны енгізілді – жабық базарлар (азық-түлік және азық-түлік емес), сауналар, СПА-орталықтар, бассейндер, спорт кешендері, спорттық-сауықтыру орталықтары және СОО фитнес-орталықтары, қоғамдық тамақтану объектілері сенбі және жексенбі күндері жабылды.
14 шілдеден бастап жексенбі күндері, 24 шілдеден бастап сенбі және жексенбі күндері қоғамдық көлік жұмысы тоқтатылды.
«Ashyq» жобасы енгізілген сәттен бастап COVID-19-ға оң нәтижесі бар және науқастармен байланыста болған науқастар карантиндік шараларды, үйде оқшаулауды көп сақтамайтыны, адамдар көп жиналатын орындарға баратыны байқалды.
«Ashyq» қосымшасының деректері бойынша тамыз айында «Ashyq» жобасына қатысатын объектілерде «сары/қызыл» мәртебесі бар 344 адам келуші арасында анықталды. Олардың ішінде ең көбі Орал қаласында тіркелді. Анықталған бұзушылықтар бойынша Әкімшілік құқық бұзушылық туралы Кодекстің 425-бабы 1-бөлігімен 80 хаттама толтырылып, жеке тұлғаларға 3 471 230тг. мөлшерінде айыппұл салынды» деп хабарлады БҚО санитариялық-эпидемиологиялық қадағалау департаменті.
Қазақстан Республикасы Бас мемлекеттік санитариялық дәрігерінің «2021-2022 оқу жылында білім беру ұйымдарында коронавирустық инфекцияның алдын алу жөніндегі санитариялық-эпидемияға қарсы және санитариялық-профилактикалық іс-шараларды жүргізу туралы» 2021 жылғы 25 тамыздағы №36 Қаулысы күшіне енді.
Қаулы бойынша 2021-2022 оқу жылында штаттық форматта барлық меншік нысанындағы және ведомстволық бағыныстағы білім беру ұйымдарында педагогтар мен персоналдың 100% вакцинациялануы (тұрақты медициналық қарсы көрсетілімдері бар адамдарды, соңғы 3 ай ішінде COVID-19 ауырған адамдарды қоспағанда) талап етіледі. Ұйымға кіру кезінде «Ashyq» қосымшасын енгізіледі (педагогтарды, персоналды, ата-аналарды (заңды өкілдерді), 18 және одан жоғары жастағы білім алатын келушілерді QR-код (check-in) бойынша тіркеу), бұқаралық іс-шараларды өткізуге тыйым салынады (мәдени, тәрбие, сыныптан тыс және ата-аналар жиналыстары және т. б.), мектепке дейінгі және орта білім беру ұйымдарында топтар мен сыныптарды біріктіре отырып іс-шаралар өткізілмейді.
– Сонымен қатар, білім беру ұйымында коронавирус анықталған жағдайда, мысалы сыныпта (топта) COVID-19 ауруының 1 жағдайы тіркелген кезде –сынып (топ) 14 күн бойы үй карантиніне оқшаулауға жатады, ал орта білім беру ұйымында бір ауысымның 30 пайыздан астам сыныптарында COVID-19 ауруының жағдайлары 1 инкубациялық кезеңде тіркелген кезде – ауысым 14 күн бойы үй карантиніне оқшаулануға жатады, колледждерде, жоғары оқу орындарында 1 инкубациялық кезеңінде бір лек топтарының 30%-дан астамында COVID-19 ауруы тіркелген кезде – лек 14 күн бойы үй карантиніне оқшаулануға жатады, – деп түсіндірді БҚО мемлекеттік санитариялық дәрігері М.Арыспаев.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу