Кіру«АЛТЫН ҰЯСЫНЫҢ» АУЛАСЫН ЖАҢАРТТЫ
Кейінгі жылдары «Туған жерге туын тігіп», атамекеніне игі іс жасауға асыққан жастардың қатары артып келеді. Яғни мектеп түлектері өздері қанат қағып, ересек өмірге жолдама берген алтын ұя мектептеріне араға жылдар салып оралып, түрлі іс-шаралар өткізуді дәстүрге айналдыруда. Бірақ көбінесе, мұндай ұйымшылдықты ауыл жастары арасынан байқайтынбыз. Жақында қаладағы М.Ықсанов атындағы орта мектептің 2001 жылғы түлектері «ыстық ұясына» оралып, «Рухани жаңғыру» бағдарламасы аясында мектептің ауласын төсемтас төсеп, бір жаңартты.
– Бұл мәселе бойынша мектеп басшылығымен ақылдастық. Алғашында білім ұясынан грантқа іліге алмай қалған түлектеріне қолдау көрсетіп, оқу ақыларын төлесек деп ойлағанбыз. Алайда, ортақ шешімге келіп, күнделікті мектепке кіреберістің жарқырап жатқанын жөн көрдік. Осы игі бастамамызды қала мектептерінің өзге түлектері де жалғастырып, өсіп-өнген «алтын ұясының» бір кәдесіне жараса деген ой. Өйткені көбіне мектебіне ауыл түлектері ғана сый жасап жатқанын көреміз. Бұл дәстүрді қала мектептерін бітіргендер әлі жалғастыра алмай келеміз. Сондықтан бір сыныптың түлектері ұйымшылдықпен іске кірістік, – дейді құрылыс жұмыстарының басы-қасында жүрген 2001 жылғы мектеп түлегі Азамат ҚОСМУРЗИЕВ.
Айта кету керек, жобаның жалпы құны – 984 мың теңгені құрайды.
Кәусар БАЙҒАЛИЕВА
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу